بەلگىلى الاشتانۋشى: ورىنبور قازاقتىڭ جەرى دەگەن دالباسا ءسوز

9870
Adyrna.kz Telegram

«ورىنبور قازاقتىڭ جەرى ەمەس». بۇل تۋرالى بەلگىلى الاشتانۋشى سۇلتانحان اققۇلۇلى جۋرناليست ءاليا ءاشىمنىڭ «وردا: قازاق مەملەكەتتىلىگى، شەكاراسى تۋرالى» دەرەكتى فيلمىندە باياندادى، دەپ حابارلايدى «ادىرنا» ۇلتتىق پورتالى.

قازاقتىڭ قالاي قالىپتاسقاندىعى، ايتىلىپ جۇرگەن قاۋەسەت سوزدەر، شەكاراسىنىڭ بەلگىلەنۋى تۋرالى دەرەكتى فيلمدە تەك قانا قازاق عالىمدارىنىڭ، الاشتانۋشىلاردىڭ پىكىرى ەمەس، رەسەي تاريحشىلارىنىڭ دا ويى ساراپقا سالىنادى.

«ورىنبور قازاقتىڭ جەرى». بارشا قالىڭ قازاق وسى ويدى ۇستانادى. شىن وتىرىگىن قالاي اجىراتامىز؟

الاشتانۋشى سۇلتانحان اققۇلۇلى:

-ورىنبور قالاسى ەشقاشان قازاقتىڭ جەرى بولعان ەمەس. ءاليحان بوكەيحاننىڭ  1913 جىلى اتاعان 9 وبلىس، 1 گۋبەرنياسىندا ورىنبور وبلىسى جوق. ويتكەنى، ورىنبور باشقۇرت جەرىنە سالىنعان قالا. سوندىقتان ءاليحاندار تۇبەگەيلى قارسى بولعان. ورىنبور قالاسىندا حالىقتىڭ 70-80%-ى كازاكتار بولدى. 10-15%-ى تاتار،باشقۇرتتار بولدى. «ورىنبور بىزدىكى» دەيتىننىڭ ءبارى دالباسا ءسوز.

ورىنبور ءبىزدىڭ رەسمي استانامىز رەتىندە 1920 جىلدىڭ قىركۇيەك ايىندا عانا بولدى. سونىڭ وزىندە بۇعان احمەت بايتۇرسىنوۆ تا تۇبەگەيلى قارسى بولدى. ويتكەنى ءبىز وڭكەي كازاكتاردىڭ اراسىندا وتىرىپ قازاقتاردى باسقارا المايمىز»،- دەدى الاشتانۋشى.

"ادىرنا" ۇلتتىق پورتالى 

 

پىكىرلەر