Almatyny dúrliktirgen Igor Dýjnovtyń áıeli Anaıda Demırchıan oqıǵanyń qalaı bolǵanyn óz aýzymen aıtyp berdi, dep habarlaıdy "Adyrna" ulttyq portaly.
Almatyda atys kezinde Anaıda Demırchıan balalarymen úıde bolǵan.
Qalaı bolǵanyn bilmeımin. Kórgen joqpyn. Tek myltyqtyń daýsyn estidim. Sol sátte prokýratýra, kezekshi kelse, zań júzinde túsindirse, qylmystyń aldyn alýǵa bolar edi. Endi adamdar zardap shekti. Kúıeýim, otbasym zardap shekti. Endi ne bolaryn bilmeımin, — dep kúızeledi áıel.
Odan bólek Anaıda Demırchıan basyndaǵy qıynshylyqtaryn aıtyp, buryn da Prezıdentke úndeý jasaǵan kórinedi.
"Qazir de úndeý jasaımyn. Qurmetti Prezıdent myrza! Siz — Konstıtýııa kepilisiz. Meniń kámelet jasyna tolmaǵan balalarymdy qorǵaýyńyzdy suraımyn. Kishkentaı balamnyń júregi aýyrady. Keshe ustamasy ustap qaldy. Al sot oryndaýshysyna báribir. Jedel járdem de shaqyrmady. Bizdiń qyzmetkerlerdiń jemqorlyq pen zańsyz áreketteri týraly memleket te, Prezıdent, siz de jaqsy bilesiz, — dep ashyndy áıel.
Eske sala keteıik, keshe Igor Dýjnov sot sheshimin oryndaýǵa kelgen bir top adamǵa oq jaýdyryp, bes adamdy atyp óltirgen bolatyn.
