Qazaqstanda “Sypaıy adamdar” belgisi jabystyrylǵan kólik paıda boldy. Bul týraly áleýmettik jelide sýretter jarııalanýda, dep habarlaıdy “Adyrna” ulttyq portaly.
Jelide jarııalanǵan sýrette Qazaqstan nómirine tirkelgen Chevrolet avtokóliginiń artyna “Sypaıy adamdar” belgisi jabystyrylǵan.
Jeli qoldanýshysy bul kólikti Almaty kóshelerinde kórgenin aıtady.
«Qaldaıaqov kóshesiniń boıynda Bógenbaı batyr kóshesine jetpeı bir aıaldama artyna kólik toqtap qaldy. Másele mynada, mundaı japsyrmalardy kólikterge japsyrýǵa bola ma? Eger ıá nemese tyıym salynbaǵan bolsa, onda uqsas jergilikti stıkerlerdi shyǵarý jáne taratý týraly kóptegen ıdeıa bar. Olaı bolmasa, osy kólik ıesiniń jaýapqa tartylýyn suraımyn.
Mundaı japsyrmalar Reseıde Don jáne Lýgansk oblystaryn basyp alǵannan keıin japsyra bastady.
«Sypaıy adamdar» dep Ýkraına terrıtorııasyn anneksııalaý úshin soǵys qımyldaryna qatysqan jaýyngerlerdi aıtamyz. Iaǵnı, týra maǵynasynda olar basqa memlekettiń basyp alǵany týraly ashyq aıtýǵa ıtermeleıdi. Halyq bul adamdardy separatızm sózinen shyqqagn «separnıa» sózimen ataıdy. Aıtyńyzshy, bul jerde ekstremızmniń belgileri bar ma, joq pa?” dep jazdy jeli qoldanýshysy.
Aıta keteıik, «Sypaıy adamdar» 2014 jyly naýryzda Qyrymda bolǵan «Qyrym kóktemi» dep atalatyn oqıǵalardan keıin qoldanysqa engen turaqty sóz tirkesi. Bul termın osy ýaqytta aımaqta belsendi jumys isteıtin tańbalanbaǵan formadaǵy áskerı qyzmetkerlerge qatysty boldy.
Olardyń kıiminde eshqandaı erekshe belgiler bolmaǵan, sol sebepti olarǵa «jasyl adamdar» jáne «olar ol jaqta joq» termınderi qoldanyldy, biraq «sypaıy adamdar» tirkesi propagandashylar arasynda da, halyq arasyna da sińip ketti.
