Şeteldegı qazaqtardyŋ Qazaqstanmen bailanysyn nyǧaityp, elge kelıp jūmys ısteuıne mümkındık beretın "Ata joly" kartasyna qatysty mäseleler şeşımın tappai otyr. Būl turaly qoǧam belsendısı Ömırhan Altyn Facebook paraqşasynda jazdy, dep habarlaidy "Adyrna" ūlttyq portaly.
Onyŋ aituynşa, karta turaly bastama köterılgenıne 5-6 jyl ötse de, ony alu prosesı älı de qiyn. 2023 jyldan berı nebärı 55 adam ǧana osy qūjatty aluǧa bekıtılgen. Ömırhan Altynnyŋ özı barlyq qajettı qūjattardy tapsyryp, byltyr "Otandastar qory" mekemesınen "Ata joly" kartasyn alatynyn" estıp, süiınşı sūraǧanyn jazady. Alaida arada bırneşe ai ötken soŋ, oǧan "qūjat zaŋdyq tūrǧyda bekıtılmegen, äzırge jaramsyz" degen jauap berılgen.
"Ötken jyly qazan aiynda Astaǧa kelgende “ATA JOLY“ qartamdy alaiyn dep tiıstı oryndarǧa qabarlasyp edım olar naqtyly jauap bere aldmady. Eŋ soŋynda Eŋbek jäne halyqty äleumettık qorǧau ministrlıgınıŋ Köşı - qon komitetınıŋ basşylyǧy zaŋdyq tüde bekıtılgen joq, qazırge tükke jaramsyz, osy üstımızdegı jyl basyna deiın ol mäsele şeşıledı dep sendırgen bolatyn.
Aita keteiık, Prezident Qasym-Jomart Toqaev şeteldegı qazaq käsıpkerlerı üşın "Ata joly" kartasy engızılgenın bırneşe ret aitqan bolatyn. 2023 jylǧy 29 mamyr – Europa qazaqtarynyŋ qūryltaiyna qūttyqtau hatynda, 2023 jylǧy 11 şıldesınde Moŋǧoliia qazaqtarynyŋ qūryltaiynda, 2023 jylǧy 11 qazan – Astanada ötken "Otandastar forumynda" osy mäsele köterılgen edı.
Şeteldegı qazaqtar üşın ülken ümıt bolǧan būl bastama qaşan jüzege asatyny älı belgısız.
Al osy kelgen jolymda mümkın daiyn bolǧan şyǧar “ATA JOLY“ qartamdy alyp josparlaǧan ısıme kırıseiın desem jauapty bır kısı bosqa ümıttenbeŋız, şyn mänınde sözde bolmasa ondai qūjat älı joq. Sızderge aldynda jıberılgen aluǧa bolady degen qūjattyŋ eş bır küşı joq, eş närsege jaramaidy dep bükıl elge jar salǧan quanyşymdy, maqtanyşymdy jermen jeksen etıp ūiatqa qaltyrdy.
Bır qyzyǧy prezident Qasym-Jomart Toqaev
«ATA JOLY» qartasy turaly mynandai sözder aitypty;
— Şetelde tūratyn qazaq käsıpkerlerı üşın arnaiy «Ata joly» qazaq kartasy engızıldı. Osyndai ılkımdı ıster jalǧasa beredı (29 mamyr, 2023 jyl, Europa qazaqtarynyŋ qūryltaiyna joldaǧan qūttyqtau haty);
— Şeteldegı qazaq käsıpkerlerı üşın arnaiy «Ata joly» kartasy engızıldı
(11 şılde, 2023 jyl, Maŋǧoliia qazaqtarynyŋ qūryltaiyna joldaǧan qūttyqtau haty);
—Şeteldegı qazaq käsıpkerlerı üşın «Ata joly» kartasy engızıldı (11.10.2023. Astanada ötken «Otandastar forumyna» joldaǧan qūttyqtauy)…
Sonda älemdegı barşa QAZAQTYŊ ūlttyq maqtanyşy, täuelsız QAZAQ MEMLEKETINE ärdaiym saǧaǧyşpen jaltaqtap qarap otyratyn, taǧdyrdyŋ tälkegıne orai şet elderde ömır sürgen miliondaǧan qandastarymyzdy qasiettı ATA-BABALAR aruaqtaryn qorlai otyryp «ATA JOLY» atty qartany jeleu etıp kökırekten teuıp, aldap, qiianat jasap otyrǧan prezidenttıŋ özı me joq älde ol kısınıŋ töŋıregınde toptasqan, prezidentke sabotaj jasauşy ūlt satqyny namyssyz mäŋgürtter me ?
Keşe osy mäselenı parlament törınde taǧy bır ret köterıp şet elderdegı bauyrlaryna janaşyrlyq körsetken Qazybek İsa myrzaǧa erekşe rahmet aitamyn", - dep jazdy ol.
Ūqsas jaŋalyqtar
