Qazaqstanda Facebook, Instagram, YouTube sııaqty tanymal áleýmettik jeliler buǵattalýy múmkin, dep habarlaıdy "Adyrna" ulttyq portaly.
Keshe, 15 qyrkúıekte QR Parlament Májilisiniń depýtattary bılikke osyndaı quqyq beretin zań jobasyn maquldady.
Jańa qujatqa sáıkes, sheteldik onlaın-platformalar Qazaqstan aýmaǵynda qyzmetin júzege asyrý úshin mindetti memlekettik tirkeýden ótýi tıis. Zań qoldanysqa engen soń alty aı ishinde tirkelmegen onlaın-platformalardyń "áleýmettik jeli" Qazaqstan aýmaǵyndaǵy qyzmeti shekteledi.
Bılikke áleýmettik jelilerdi buǵattaý múmkindigi bala quqyǵyn qorǵaý zańy aıasynda berilmek. Jobany talqyǵa salǵan depýtattar "býllıng" pen "kıberbýllıng" sózderin jıi qoldanyp, óz pikirlerimen bólisti. Buǵan deıingi eski zańdarda áleýmettik jelilerdiń jaýapkershiligi jete qamtylmady degen Májilis tóraǵasy eshkimge qaramaı, osy zańdy jedel iske asyrýdy tapsyrdy.
- Sýııdke aparatyn jol. Sondyqtan jańa aıtyp ketkendeı, balalardyń, ásirese mektep balalarynyń býllıng jáne kıberbýllıngten tolyqtaı qorǵaıtyn naqty normalarymyzdy eshkimge qaramaı engizýimiz kerek. Analar aıtyp jatyr, mynalar aıtyp jatyr... Bul balalardyń bolashaǵy, balalardyń ómiri!, - deıdi N.Nyǵmatýllın
Budan bólek el aýmaǵyndaǵy fılıaldaryna sheteldikter men azamattyǵy joq adamdar basshy bola almaıtyny sóz etildi.
Zańdy usynǵan depýtat Aıdos Sarymnyń málimdeýinshe, áleýmettik jeliler qazaqstandyq aýdıtorııany paıdalanyp, tabys taýyp otyr. Sondyqtan Qazaqstan zańymen de sanasýy kerek.
- Ata-analar, ózi bir belsendilik tanytyp zańsyz kontentti nemese adamdardyń ar-namysyn taptaǵan balalardyń densaýlyǵyna, psıhıkasyna t.b. áser etetin jaǵdaıda. Bizdiń Aqparat mınıstrligi osyndaı azamattardan kelgen aryz-talaptardyń bárin jınap, sol feısbýkqa, ınstagram t.b. jiberedi. Biraq, olardan eshqandaı reakııa joq. Sondyqtan jumys tobynyń otyrystarynda osyndaı oıǵa keldik. Shynymen de, Qazaqstanda qazaq tilin biletin ókili otyrýy kerek - dep málimdedi Májilis depýtaty.
Sarapshylar zań jobasynan sóz bostandyǵyna qaýip kórip, muny "áleýmettik jelini" bılik qolyna tapsyrý dep baǵalap otyr.Balanyń kıberbýllıng máselesi boıynsha negizi elimizde basqa da zańdar tolyp jatyr. Qazaqstanda pikir erkindigi bar jalǵyz oryn áleýmettik jeli - degen olar bılik bala quqyǵy sózin alǵa tartyp, qýlyq istep otyr deıdi.
"Adyrna" ulttyq portaly
