Qazaqstandyq shoýmen ári prodıýser Nurtas Adambaı áleýmettik jelisinde buryn-sońdy daýlasqan adamdarynan keshirim surady, dep habarlaıdy “Adyrna” ulttyq portaly.
Nurtas Adambaı jelide májilis depýtaty Rınat Zaıtovtan bastap keshirim suraǵan.
"Óz aqymaqtyǵymmen sizdi aıyptaǵanym úshin keshirim suraımyn. Eldi jaqsartýǵa degen talpynysyńyz úshin alǵysymdy bildiremin", - dep jazdy shoýmen.
Artynsha ol IIM-nen de keshirim surady.
Nurtas Adambaı saıası tulǵalardan keshirim surap, el basshylaryn synaǵany úshin de ókinetinin aıtty.
Ol Qazaqstan Prezıdenti Qasym-Jomart Toqaev pen eks-prezıdent Nursultan Nazarbaevtan keshirim surady.
Birneshe tanymal kınolardyń prodıýseri Reseı prezıdenti Pýtınge de birneshe sóılem arnady.
"Vladımır Pýtınnen óz aqymaqtyǵymnan ony aıyptap, ashýlanǵanym úshin keshirim suraımyn. Sizge otbasylyq qundylyqtardy saqtaý úshin kúresip, óz elińizde jat nárselerdiń nasıhatyna qarsy shyqqanyńyz úshin alǵysymdy bildiremin", - dep jazdy Adambaı.
Munymen Adambaıdyń keshirim storısy bitpedi. Ol jelidegi jarııa syny úshin Adambaı Belarýs prezıdenti Aleksandr Lýkashenkodan da keshirim surady.
Óner ıesi Dımash Qudaıbergen, Genadıı Golovkın syndy ózge de tanymal tulǵalardan keshirim suraǵan jazbany júktedi.
