Zaŋger Meiırman Şekeev özıne qatysty qylmystyq ıs qozǧalǧanyn aitty, dep habarlaidy “Adyrna” ūlttyq portaly.
Būl turaly ol äleumettık jelıdegı paraqşasynda jazdy.
Şekeevtıŋ aituynşa, qylmystyq ıs Almaty qalasynyŋ prokuraturasy jürgızgen saraptama qorytyndysynan keiın qozǧalǧan. Alaida äzırge tergeudıŋ naqty qai bap boiynşa jürgızılıp jatqany jäne ıstıŋ qandai negızde qozǧalǧany belgısız.
Zaŋger būl jaǧdaidy äleumettık jelıdegı belsendılıgımen jäne qazaq tılın qorǧauǧa qatysty ūstanymymen bailanystyrady.
«Bız ana tılımızdı, iaǧni Qazaqstannyŋ memlekettık tılı retınde bekıtılgen qazaq tılın qorǧaǧanymyz üşın osyndai jaǧdaiǧa tap bolyp otyrmyz», – dedı Meiırman Şekeev.
Ol eşqaşan zaŋ būzbaǧanyn aityp, tıl mäselesı boiynşa öz ūstanymyn soŋyna deiın qorǧauǧa daiyn ekenın jetkızdı.
Sonymen qatar zaŋger oqyrmandaryn äleumettık jelılerde ūltaralyq arazdyqqa äkeluı mümkın pıkırler jazbauǧa şaqyrdy.
Şekeevtıŋ sözınşe, būǧan deiın tıl mäselesıne qatysty arandatuşylyq sipattaǧy pıkırler aitqan azamattarǧa bırneşe ret şaǧym tüsırgen. Alaida onyŋ aituynşa, atalǧan ötınışter boiynşa qylmystyq ıs qozǧalmaǧan.
Qazır qūqyq qorǧau organdary būl jaǧdaiǧa qatysty resmi tüsınıkteme bergen joq.
