Respublika künı qarsaŋynda memlekettık baǧdarlama aiasynda 304 otbasy qonys toiyn toilady. Saltanatty kılt tapsyru räsımıne qala äkımı Ǧabit Syzdyqbekov qatysyp, quanyş ielerın qūttyqtady.
Ūlyq mereke qarsaŋynda paidalanuǧa berılgen Bozaryq şaǧyn audanynda ornalasqan baspanalardy tūrǧyn üi kezegındegı azamattar Otbasy bank arqyly «2-10-20», «5-10-20» baǧyttary boiynşa nesielık negızde räsımdegen. Jaŋa qonystanuşylar arasynda erekşe qajettılıkterı bar balalardy tärbielep otyrǧan otbasylar, tolyq emes jäne köpbalaly otbasylar, mümkındıgı şekteulı azamattar, jetım jäne ata-anasynyŋ qamqorlyǧynsyz qalǧan balalar, biudjettık ūiymdardyŋ qyzmetkerlerı bar.
Bügınde 304 päterlık 8 köpqabatty tūrǧyn üige konkurs jürgızıldı. Qazırgı taŋda azamattarmen satyp alu satu kelısım şarty jasaluda. Būdan bölek, memlekettık baǧdarlama aiasynda «Otbasy bank» AQ arqyly 400 päterlık 10 köpqabatty tūrǧyn üige konkurs ötkızılude.
Bügınde memleket basşysynyŋ tapsyrmasymen jüzege asyrylyp jatqan memlekettık baǧdarlamalar halqymyzdyŋ jaily ömır süruıne tıkelei baǧyttaluda. Kredittık tūrǧyn üilerdıŋ qoljetımdılıgın arttyru jäne tabysy az azamattardy yntalandyru maqsatynda jergılıktı biudjet esebınen 311 otbasy qaitarymsyz negızdegı äleumettık kömek retınde tūrǧyn üi sertifikaty arqyly nesielık baspanaǧa qol jetkızgen bolatyn. Jyl soŋyna deiın taǧy 4 myŋnan astam päter beru josparlanuda.
Ūqsas jaŋalyqtar
