Qalalyq polisiia departamentı, Şymkent qalasy äkımdıgınıŋ ūiymdastyruymen «Şymkent – esırtkısız qala» nauqanyn ötkızdı.
Is-şaraǧa jalpy 2500-ge juyq adam qatysty. Onyŋ ışınde polisiia qyzmetkerlerı, prokuratura, qala jastary, audan äkımdıkterıne qarasty kommunaldyq mekeme jūmysşylary, narkolog-därıgerler, sportşylar, erıktıler men partiia ökılderı de bar.
«Astana» alaŋynda arnaiy jinalǧan qatysuşylarǧa ıs-şaranyŋ maqsaty men maŋyzdylyǧyn jetkızılıp, nūsqamalar berıldı.
Şara barysynda esırtkı jarnamalaryn anyqtap joiu boiynşa jūmystar atqaryldy. Köşearalyq, aulaaralyq qarau jürgızılıp, tūrǧyndarǧa esırtkı qylmystaryn jasaǧany üşın zaŋdy jauapkerşılıktı eskertu, azamattardy salauatty ömır saltyn ūstanuǧa şaqyru jäne naşaqorlyqtyŋ aldyn alu boiynşa tüsındırme jūmystaryn jürgızdı.
Is-şara qorytyndysymen 2332 graffiti boiau türındegı esırtkı jarnamalarynyŋ, olardyŋ internet jelısındegı sıltemelerınıŋ ataulary joiyldy.
Aksiia barysynda polisiia qyzmetkerlerı men belsendı jastardyŋ qyraǧylyǧynyŋ arqasynda esırtkınıŋ zaŋsyz ainalymyna qatysty qūqyq būzuşylyqtar da anyqtaldy.
Mäselen, Qaratau jäne Tūran audandaryn aralau jūmystaryn jürgızu barysynda jergılıktı tūrǧyndardan esırtkıge ūqsas zattar tabylyp, polisiia qyzmetkerlerımen tärkılenıp alyndy.
Sonymen qatar, ıs-şarada internet-alaiaqtyqty eskertu maqsatynda arnaiy jadynamalar taratyldy. Tūrǧyndarmen kerı bailanysty nyǧaityp, qūqyq būzuşylyqtyŋ kez-kelgen türıne «nöldık tözımdılık» qaǧidasyn qalyptastyru men qoǧam arasynda esırtkıge qarsy terıs közqaras ornatu baǧytynda jūmystar atqaryldy. Poliseiler qala aumaǧynda esırtkıge qarsy jūmystardy ötkızu men oǧan tiımdı tosqauyl qoiu boiynşa ıs-şaralar tūraqty türde jalǧasatynyn jetkızdı.
