«Taza Qazaqstan» aksiiasyna Şymkent qalasynyŋ 154 myŋnan astam tūrǧyny, sondai-aq 6002 öndırıstık jäne käsıpkerlık nysandar men 603 äleumettık mekemenıŋ ūjymdary jūmyldyryldy.
Aksiia barysynda 8 myŋ şaqyrymnan astam köşe, 9 myŋ şaqyrym trotuar jäne 724 şaqyrym suaru jüielerı, kanaldar men aryqtar tazartyldy. 6591 tonna qoqys şyǧaryldy. Sondai-aq, jaiau jürgınşıler joldaryn syrlau jäne jol jiekterın tazalau jūmystary jürgızıldı.
Tazalaudan basqa, qalada 440 myŋnan astam aǧaşty akteu jäne 153 myŋnan astam aǧaşty sanitarlyq kesu jūmystary jürgızıldı. 11657 aǧaş köşetterı men 789 köşet otyrǧyzyldy. Jyl basynan berı 40 myŋ şarşy metr aumaqqa 1 millionnan astam qyzǧaldaq otyrǧyzyldy.
Asar şaǧyn audanynyŋ tūrǧyndary köşelerdı, aulalardy jäne ekı demalys aimaǧyn tazalauǧa belsendı qatysty. Audandyq ardagerler keŋesınıŋ töraǧasy Ū.Başenov tūrǧyndardyŋ Memleket basşysynyŋ bastamasyn qoldaitynyn jäne aksiiaǧa säuır aiynan bastap belsendı qatysyp, tazalau jūmystaryn jürgızıp qana qoimai, halyq arasynda tazalyq mädenietın nasihattaitynyn atap öttı. «Qala - bızdıŋ ortaq üiımız. Onyŋ abattandyryluy men körkeiuı är tūrǧynǧa bailanysty. Sondyqtan Asarlyqtar barşany qoqys tastamauǧa jäne tazalyqty saqtauǧa şaqyrady», - dedı ol.
Qaratau audanynda aksiiaǧa Nūrsat şaǧynaudanynyŋ köp qabatty üilerınıŋ tūrǧyndary qatysty. Soŋǧy aksiialardyŋ bırıne №37-49 üilerdıŋ 400-ge juyq tūrǧyny qatysty. Tūrǧyndar üilerdıŋ aumaǧyn qoqystardan tazartty, aǧaştardy äktep, şöpterdı oryp, oryndyqtardy syrlady. Şaǧyn audan tūrǧyndarynyŋ negızgı bölıgı aksiiaǧa belsendı qatysqan balalar men jasöspırımder. Olar üşın aksiia - eresekterge kömektesu jäne dostarymen, otbasymen bırge aşyq auada uaqyt ötkızu. Qatysuşylar balalardy tazalau jūmystaryna tartu qorşaǧan ortaǧa ūqypty qaraudy qalyptastyruǧa kömektesetının atap öttı.
«Tazalyq – densaulyq kepılı» - būl ūrandy aksiiaǧa qatysyp otyrǧan Äl-Farabi audanynyŋ tūrǧyndary da qoldap otyr. Şaraǧa ardagerler men belsendı jastardy qosqanda 200-den astam adam qatysty. Audandyq ardagerler keŋesınıŋ töraǧasy İsamudin Naştaiūly «Taza Qazaqstan» aksiiasy uaqytşa aksiia emes, tūraqty tazalyq şarasy ekendıgın, osyǧan bailanysty ärbır qala tūrǧyny tazalyq mädenietın saqtap, aulalardy retke keltırudı özınen bastau kerektıgın basa aitty.
Eŋbekşı audanynda aksiiaǧa qatysuşylar «Şymkent» kanalynyŋ aumaǧynda tazartu jūmystaryn jürgızdı. Aksiiaǧa tūrǧyndar da, «Jasyl el» eŋbek jasaqtary da qatysty. Audandyq ardagerler keŋesınıŋ töraǧasy Z. Jaişybekov barşaǧa qatysqany üşın öz alǧysyn aityp, aulalarymyzdyŋ tazalyǧy özımızdıŋ ärqaisymyzǧa bailanysty ekendıgın atap öttı. «Bız özımızden bastauymyz kerek, sonda bızdıŋ jastarymyz da tazalyqty saqtaidy», - dedı ol.
«Taza Qazaqstan» aksiiasy aiasynda Tūran audanynyŋ tūrǧyndary men «Jasyl el» jastar jasaqtary qala tūrǧyndarynyŋ tanymal demalys orny bolyp tabylatyn Qoşqar ata özenınıŋ jaǧasyn tazartu boiynşa sanitarlyq tazalau jūmystaryn jürgızdı. Qatysuşylar özen aumaǧyn qoqys pen ösımdıkterden tazartty, şomylu erejelerı men özen boiyndaǧy jaryqtandyrudy jüielerın jaŋartty. Olar qalanyŋ tazalyǧy eŋ negızgı basymdyq ekenın jäne ärbır tūrǧyn ony qoldauǧa belsendı qatysuy kerek ekenın atap öttı.
Ūqsas jaŋalyqtar
