Qaraǧandy oblysy, Temırtau qalasynda jük kölıgınıŋ jürgızuşısı äielımen janjaldasqannan keiın, öz-özıne qol jūmsauǧa äreket jasady, dep habarlaidy "Adyrna" ūlttyq portaly "Vecherniaia Karaganda" Telegram-arnasyna sılteme jasap.
Oqiǧa Būqar Jyrau audanyndaǧy Mūstafin atyndaǧy auylda oryn aldy. Jük tüsırgışın aidaǧan aşuly jürgızuşı auyl tūrǧyndarynyŋ esın äbden şyǧaryp, kölıgımen eldı mekendegı symdardy üzıp ary-berı jürgen.
Zäresı ketken türǧyndar jedel türde tärtıp saqşylaryn şaqyrǧan. Osydan soŋ er adam jük kötergışımen bırge auyldan qaşyp ketedı. Tūrǧyndardyŋ şaqyrtuymen kelgen poliseiler auyldan ekı şaqyrym jerdegı daladan tärtıp būzuşyny tapty. Er adam avtomobilde özın öltırmek bolǧany anyqtaldy.
Er adam ılmekten şyǧarylyp, jergılıktı poliseiler men därıgerler 39 jastaǧy temırtaulyq azamatty qūtqaryp ülgerdı.
Belgılı bolǧandai, er adam ajyrasamyn dep qorqytqan äielımen janjaldasqannan keiın osyndai qadamǧa baruǧa şeşım qabyldaǧan. Endı azamat jürgızuşı kuälıgınen aiyrylyp, zalaldy öteuge mäjbür bolmaq.
"Adyrna" ūlttyq portaly
Ūqsas jaŋalyqtar
