Qaraǧandyda sport salasyndaǧy joǧary deŋgeidegı janjal saldarynan oblystyq dene şynyqtyru jäne sport basqarmasynyŋ basşysy Serık Säpiev jaraqat aldy. Äleumettık jelılerde Serık Säpiev pen onyŋ orynbasary arasyndaǧy töbeles qyzu talqylanuda, dep habarlaidy "Adyrna".
Oqiǧa 21 qaŋtar künı keşkısın Būqar jyrau daŋǧyly boiynda oryn alǧan. Aldyn ala aqparatqa säikes, jaraqat salǧan küdıktı retınde Säpievtıŋ orynbasary Däuren Esımhanov ataldy.
Qaraǧandy oblystyq Polisiia departamentı Qaraǧandy qalasynyŋ 42 jastaǧy tūrǧynynyŋ aryzy boiynşa ūryp-soǧu faktısımen qylmystyq ıs qozǧalǧanyn habarlady.
Onda eşqandai esımder atalmaǧan. Sondai-aq, «oqiǧanyŋ barlyq män-jaiy anyqtaluda, al tergeu müddesıne bailanysty özge aqparat jariia etılmeidı» dep körsetılgen.
Serık Säpiev – Qaraǧandy oblysynyŋ sport basqarmasyn basqaratyn tanymal sportşy, Olimpiada chempiony. Al janjalǧa qatysy bar ekınşı adam – sambodan Aziia jäne älem chempionatynyŋ jeŋımpazy Däuren Esımhanov.
