Atyraý oblysynda bilim berý sapasyn arttyratyn jol kartasy iske asyrylady.
Búgin Atyraý oblysy bilim berý júıesin damytýdyń 2021-2023 jyldarǵa arnalǵan jol kartasy tanystyryldy. Aýkymdy jobany Atyraý oblysy Bilim berý basqarmasy «Nazarbaev Zııatkerlik mektepteri» Derbes bilim berý uıymdarymen birlese júzege asyrady. Bul - «Nazarbaev Zııatkerlik mektepteri» DBBU-nyń Qazaqstanda qolǵa alǵan alǵashqy tyń jobasy.
Shara barysynda ustazdar qaýymyn Ǵylym qyzmetkerleri kúnimen quttyqtaǵan Atyraý oblysy ákimi Mahambet Dosmuhambetov búginde adam kapıtaly kez kelgen memleket úshin basty qundylyqqa aınalǵanyn, ony damytýdy sapaly bilimsiz kózge elestetý múmkin emes ekenin atap ótti. «Nazarbaev Zııatkerlik mektepteri» derbes bilim berý uıymdary álemde úzdikterdiń qatarynda ekenin bilemiz. Tyń jobany Atyraý oblysynan bastaǵandaryńyz qýantady. Óńirimizdegi bilim berý salasyndaǵy problemalardy birlese sheshemiz degen oıdamyn. Atyraýlyq oqýshylardyń bilimdik, zııatkerlik jáne rýhanı-adamgershilik damý turǵysynan ózgelerden oq boıy ozyq turǵanyn kórý - biz úshin asa mańyzdy mıssııalardyń biri»,-degen aımaq basshysy bilim salasyna damytýǵa qoldaý kóretýge árqashan daıyn ekenin atap ótti.
Oblys ákiminiń tapsyrmasy boıynsha oblystyq Bilim berý basqarmasy janynan qurylǵan jumys toby óńirdegi bilim berý ahýalyna taldaý jasaǵan. Sonyń nátıjesinde saladaǵy problemalardy sheship, bilim berýdi damytý úshin ázirlengen úsh jyldy qamtıtyn arnaıy baǵdarlama ázirlengen.
Jıyn barysynda sóz alǵan «Nazarbaev Zııatkerlik Mektepteri» DBBU Basqarmasynyń tóraıymy Kúlásh Shámshıdınova bilim berý salasyndaǵy keshendi jańǵyrtý jáne bilim berý sapasyn arttyrýǵa qatysty josparlanǵan is-sharalarǵa jan-jaqty toqtaldy. «Aımaqtyń bilim júıesin damytýdy birden qolǵa alǵan oblys ákimine alǵysymyz sheksiz. Muny óńirdiń bolashaǵyna janashyrlyq, jas urpaqqa degen úlken mahabbat dep bilemin»,-degen Kúlásh Shámshıdınova Jol kartasynyń taldaý jáne monıtorıng, balalardyń ál-aýqaty, múmkindikter mektebi, pedagogıkalyq kadrlar sondaı-aq ınfraqurylym syndy negizgi baǵyttaryna toqtaldy. «Jobaǵa saı, pándik baǵalaý júıesi boıynsha oqytamyz. Oǵan qosa muǵalimderdiń óziniń tájirıbesin zertteý arqyly jumys barysyndaǵy utymdy jaqtaryn kúsheıte otyryp, problemalardy sheshýge durys baǵyt-baǵdar berý kózdelgen. Sondyqtan, bul jobanyń keńsesi ashyldy. Oǵan «Nazarbaev zııatkerlik mektepteri», bilim berý, baǵalaý jáne muǵalimderdiń biliktiligin damytý ortalyqtary qatysady. Bul uzaq merzimdi joba, sol sebepten bir jyldyń ishinde 23 qala, 27 aýyl mektepterinde balalardyń fýnkıonaldyq saýattylyǵy, jetistikteri baǵytynda monıtorıng ótkiziledi. Muǵalim, ata-analar arasynda saýalnamalar júrgizilip, sodan keıin belgili bir sheshimder qabyldanyp, játıjesi belgili bolady», - dedi K.Shámshıdınova.
Sonymen qatar, 4 jáne 8-synypta oqıtyn 5000 oqýshynyń jetistikteri saralanyp, mektep basshylarynyń kásibı quzyrettilikterin keńeıtý boıynsha jumystar júrgiziledi. 50-den astam mektepte STEM jáne IT daǵdylaryn oqytý boıynsha jetekshi jattyqtyrýshylardy kezeń-kezeńimen daıarlaý josparlanyp otyr. Mektepterde qosymsha bilim berý, pedagog-psıhologtar men ata-analardyń oqý-tárbıe proesine qatysýy úshin jaǵdaılar qaralatyn bolady.
