Qaraǧandyda "Qarasora – 2025" jedel ıs-şarasy barysynda esırtkı taratqan şeteldıkter ūstaldy, dep habarlaidy «Adyrna» tılşısı Polisia.kz-ke sılteme jasap.
«Operasiia kezınde 29 jäne 39 jastaǧy er adamdar qala köşelerınıŋ bırınde qolǧa tüstı. Tıntu barysynda ülkenınen ärqaisysy şamamen 0,5 gramm bolatyn qūramynda A-PVP boluy mümkın 11 tüiınşek, sondai-aq qosymşa 0,5 jäne 1 gramdyq 11 tüiınşek tabylyp, tärkılendı. Al ekınşı küdıktıden telefon tekseru kezınde kuratormen jazysqan hattar men esırtkı jasyrylǧan oryndardyŋ fotosuretterı anyqtaldy. Körsetılgen mekenjailarǧa tekseru jürgızu nätijesınde qūramynda ūqsas zat bar 16 tüiınşek tabyldy»,–delıngen habarlamada.
Küdıktılerdıŋ tūrǧylyqty jerınen jürgızılgen tıntu barysynda aldyn ala mefedron dep anyqtalǧan, salmaǧy 0,5 gramm bır tüiınşek tärkılengen.
Qazırgı taŋda ūstalǧan azamattarǧa qatysty qylmystyq ıs qozǧaldy. Tergeu barysynda olar jasaǧan ıs-äreketterın moiyndaǧan. Küdıktıler uaqytşa ūstau izoliatoryna qamaldy.
