«Adyrna» tılşısınıŋ balyq şaruaşylyǧy turaly keremet sūhbaty Almaty oblysy, Eŋbekşıqazaq audany, Qapşaǧai maŋyndaǧy Köldı auylynyŋ tūrǧyny, 20 jyldan astam uaqyt balyq şaruaşylyǧymen ainalysqan täjıribelı balyqşy Sarsenbaev Erkın Aqūzaqūlymen boldy. Qiyn da qyzyq käsıptıŋ iesımen bolǧan, şym-şytyryq şytyrman oqiǧalarǧa toly sūhbat sızdı qyzyqtyrmai qoimaityny sözsız.
-Erkın myrza, balyq şaruaşylyǧyn qalai, qaşan bastadyŋyz?
-Balyq aulai bılu de öner. Ol – ekınıŋ bırınıŋ qolynan kele bermeitın käsıp. Būl qabılet bızdıŋ qanymyzda, atadan balaǧa daryp kele jatyr desem qatelespeimn. Sebebı, men balyq aulaudy kışkentai kezımnen bıletınmın.
Bala kezımızde tuǧan auylymyz Köldınıŋ maŋynda «Salijan» atty kışıgırım kölden amur balyqtardy ūstap alatynbyz. Ol uaqytta qazırgıdei balyq ötkızetın punkt bolmady. Qapşaǧaiǧa kelgen demaluşylar ary-berı ötken kezde satyp alar degen oimen trassanyŋ boiynda balyqtardy satyp tūratynbyz. Eŋ qyzyǧy, balalyq oimen balyqtyŋ salmaǧy auyrlau bolyp aqşasy köbırek şyqsyn dep, ışıne tas salyp qoiatynbyz. Bırde, bır jolauşy balyqtyŋ auzynan tüsken tasty körıp, «mynausy nesı» dep aşulandy. Sasqanymyzdan boi bermei, «aǧa, būl özı tas jeitın balyq» dep jauap berdık.
Bala kezımızde üige az-maz tiyn-teben tüssın dep, äiteuır şamamyz kelgenşe şaruaǧa jaraitynbyz. Keiınnen käsıp qylyp tūraqty türde balyq şaruaşylyǧyna keluım 1999 jyldan bastaldy. Syrttai bılım alyp jürsemde, nan tauyp jeitın käsıbım, jūmysym – balyq edı.
«Ūstazy jaqsynyŋ, ūstamy jaqsy» demekşı ısıŋ berekelı bolsyn deseŋ, jaqsy ūstazdan tälım alǧan jön. Balyq şaruaşylyǧynyŋ qyr-syryn, qūpiiasy men ailasyn üiretken bıraz tälımgerım boldy. Könenıŋ közın körgen, sonau Aral teŋızınıŋ aidynynda au jaiǧan Qarasai, Käden, Bürkıtbai aǧalarymyz syndy myqty balyqşylardan sabaq aldym. Odan özge talai batyl balyqşylar baqilyq bolyp kettı.
-Būl käsıptıŋ paida közı turaly aita ketseŋız. Qalai jūmys jasaisyzdar?
-Köldı auyly Qapşaǧai maŋynda ornalasqan ärı erteden balyq şaruaşylyǧymen ainalysyp kele jatqandyqtan arnaiy balyq zauyttary bar. Är balyqşy öz käsıbıne qajettı qaiyǧyn, au, qalqy, arnaiy su kiımın jäne özge de qajettı zattaryn sailaidy. Bız özgeler sekıldı jalǧyzdan emes ekı-ekıden balyqqa şyǧamyz. Ekı balyqşy auǧa tüsken balyqty özara kelısımdı türde bölısıp, qabyldau punktıne ötkızedı. Säikesınşe olar bızge tiesılı qarjyny beredı.
-Balyq şaruaşylyǧynyŋ qiynşylyǧy nede?
-Balyq şaruaşylyǧynyŋ bar qiynşylyǧy – densaulyqqa ziiandyǧy. Küz, qys, köktem ailarynda su öte salqyn bolady. Degenmen köktem jäne küz naǧyz balyqtyŋ qyz-qyz qainap jatqan uaqyty. Bırınşıden qystyŋgünı mūz qauıptı. Apat aityp kelmeidı. Qai uaqytta, qai sätte mūz jarylyp keter eken degen qauıp bolady. Degenmen bır qyzyqty fakt aita keteiın. Qapşaǧai suy öte tereŋ bolǧandyqtan ärı şyǧystan da, batystan da jel soǧyp tūratyndyqtan suy keş qatady. Basqa öŋırler mäselen Aral, Balqaş teŋızderı qys bastalysymen mūz bop qatyp qalsa, Qapşaǧai jeltoqsannan qaŋtardyŋ ortasyna deiın qatpai tūrady. Ekınşıden, köktem men küz kezınde mūz tolyqtai erımei tūrǧan sūp-suyq suǧa qolymyzdy saǧattap salyp otyramyz. Būl ärine – öte qiyn.
Qauıptıŋ 80%-y tehnikanyŋ älsızdıgınen bolady. Öitkenı, qaiyǧyŋ myqty bolsa dauyldyŋ ortasynda qalsaŋ da jaǧaǧa bar jyldamdyqpen jüzıp jetuıŋe bolady. Qazır qaiyqtyŋ jaŋa türlerı şyǧuda. Ruldı qaiyq, motorynyŋ küşı köp qaiyqtar, plastmassa qaiyqtardyŋ biıktıgı, tolqyndy ūstap qaluy, jaqsyraq bolyp keledı. Ol balyqşy üşın öte maŋyzdy. Ruldı qaiyqtardyŋ aldyŋǧy qalqa terezesı bolady. Tolqyn kezınde qatty jüzgen qaiyq sekırgen sätte ışke qarai su kırmeuıne osy tereze sebepşı bolady. Al qalǧan qauıptıŋ, qiynşylyqtyŋ 20%-y balyqşynyŋ qabıletıne bailanysty.
Sonymen qatar qys kezınde balyqqa arnalǧan su ötkızbeitın arnaiy kiımnıŋ ışınen qalyŋdap kiınemız. Qolǧap, rezeŋke etık qozǧaluǧa qiyndyq tuǧyzady. Degenmen qimyldaǧan saiyn, qalyŋ kiımnen terleisıŋ. Terlegen dene salqyndy tez qabyldaǧyş keledı. Sondyqtan bız qaşan da qauıptıŋ, naǧyz täuekeldıŋ ortasynda jüremız.
Qapşaǧai kögıne töŋgen qara būlt. Dauyl osylai bastalady.
-Jūmys barysynda oryn alǧan qandai qyzyqty ärı qauıptı jaǧdailar boldy?
-Jaŋa aitqanymdai bızdıŋ är kez balyqqa şyuymyz, täuekel etuden bastalady. Tabiǧattyŋ tosyn-syilary jeterlık. Aua-raiynyŋ boljamyna qaramastan kenet jel, dauyl tūrǧan uaqytta teŋız ortasynda qalsaŋ, mıne eŋ qorqynyşty sät. Qaiyǧyŋ senımdı bolsa, jaǧaǧa jetıp ülgeruıŋe bolady. Al eskı qaiyq teŋızden bır oqiǧasyz qaitarmaidy. Ondai jaǧdailardyŋ talaiy bolǧan. Sondai oqiǧalardyŋ bırı – dauyl kezınde qaiyqpen bırge batyp bara jatqan bır kısını qūtqaryp qaldyq.
Däulet esımdı serıgımmen bırge Qapşaǧaidyŋ arǧy betıne salǧan auymyzdy körıp qaituǧa şyqqanbyz. Künıge baryp jürgen jerımız ǧoi, bıraq däl sol künı auymyzdy tappai bıraz uaqyt bögelıp qaldyq. Kenetten batystan küştı jel tūryp, teŋız tolqyny bastalyp kettı. Bıraz uaqyttan soŋ tauyp, jūmystarymyzdy barynşa tez bıtırıp bergı jaǧaǧa qaityp bara jatqanbyz. Bır kezde alystan bır qara körındı. Jaqyndai kele bır adamnyŋ qolyn būlǧap tūrǧanyn baiqadym. Däulet «benzinı bıtken bolar» dep asa män bermedı. Bırnärse bolǧan au, dep sol jaqqa qarai būrdym. Jaqyndap qalsaq ta, ana adam qol būlǧauyn toqtatar emes. Söitsek, bır orys kısı qaiyǧyna köp balyq salyp jıberıp, qatty tolqynnan su tolyp, batyp bara jatyr eken. Kömektesuge bekınıp ana kısını bızdıŋ qaiyqqa mıngızıp aldyq. Qaiyǧyn keiın şyǧaryp alsyn degen nietpen, jıp bailap, navigator ornatu maqsat boldy. Öz qaiyǧymnan qalyŋyraq jıp tauyp batyp bara jatqan qaiyqqa bailadym. Bır kezde qaiyqtyŋ benzin toly baky suǧa qalqyp şyqty. Bak tolyǧymen betıne qalqyp şyǧu üşın ışındegı benzinın tögıp tastau kerek boldy. Bır jaǧynan dauyl, bır jaqtan tolqyn qysyp bakty töŋkeruge mümkındık berer emes. Sonda da arpalasyp jatyrmyn. Tıptı orys aǧanyŋ qazaqşa «özıŋnıŋ qaiyǧyŋa qūiyp alsaŋşy» degenın de baiqamappyn (külıp). Sodan soŋ benzin tögıldı, bak su betınde qalqyp tūr, jıp bailauly, navigator belgılendı, maqsat oryndaldy jäne jaǧaǧa qarai bastyq. Orys kısı qatty şoşynǧannan dırıldep ketken. Tynyştandyryp, barynşa kömek körsettık. Osylaişa aman-esen jetıp bır adamnyŋ ömırın qūtqaryp qaldyq.
Taǧy bır jyldary qysta dauyl tūryp teŋızdıŋ ortasynda ekı künnen astam uaqyt qalyp qaldyq. Kömekke bır qaiyq kelıp bızdı alyp ketuge tyrysqanymen ekı qaiyqtyŋ salmaǧy, dauyl, qar, tolqyn köterılıp teŋız suy qaiyqqa qūiylyp mūz bop qatyp bara jatqandyqtan ol oiymyzdan tük şyqpady. Amal qalmaǧan soŋ, qaiyǧymyzdaǧy bükıl balyqty kömekke kelgenderge salyp jıberıp, özımız dauyldyŋ basylǧanyn kütuge mäjbür boldyq. Janymdaǧy serıgımmen jaǧaǧa bırnärse qylyp jettık. Tün boldy. Qar älı jauyp jatyr, jel basylar emes. Täuekel etıp erteŋdı küteiık dep şeştık. Tıptı ot ta jaǧa almadyq. Qaiyqtyŋ jük salǧyşynda eskı kiımder bar eken. Solardy amaldap jamylmaq bolyp edık, serıgım «Erkın!» dep aihailady. Söitsem qamystyŋ arasynan qaiyq tauyp alypty. Ol qaiyqty aqtarsaq ta ot jaǧatyn eşnärse tappadyq. Amal qalmaǧan soŋ, qamystardy syndyryp, qalyŋdap astymyzǧa tösedık. Qaiyqtyŋ üstın japqan ülken sellofan bar eken. Toŋbas üşın üstımızge sellofandy japtyq ta, jaŋaǧy tauyp alǧan qaiyǧymyzdy kerı qarai audaryp sonyŋ astyna jattyq. Taŋerteŋ betıme tamǧan tamşy sudan oianyp kettım. Söitsem, adamnyŋ buymen sellofan sulanyp, sol su betıme tamǧan eken. Qaiyqtyŋ astynan şyqsaq, qar basyp qalypty. Jel joq. Qaiyqty audaryp ornyna qoidyq ta, qaiyǧymyzǧa mınıp, jinalyp, öz jaǧamyzǧa esen-aman oraldyq.
-Mıne naǧyz oqiǧa! Jalpy auǧa tüsken balyqtyŋ bügıngı sany men būrynǧy kezderdegı mölşerden aiyrmaşylyǧy qanşalyqty?
-Balyqtyŋ mölşerı būrynǧydan azaidy deuge kelmeidı. Mūny bylai tüsındıreiın. Būryndary balyq köp bolǧanymen aulaityn balyqşy, balyqşy bolǧan künnıŋ özınde aulary köp bolmady. Mäselen, sazan balyqtarǧa arnalǧan aular keiınırekte ǧana şyqty. Sol sebeptı kezınde sazan balyqtar aulana bermeitın. Şyndyǧyna kelgende, ol jyldary tūtynuşylyq, qajettılık az bolatyn. Äiteuır är balyqşy kün körısıne jetkılıktı türde tabatyn. Esımde bary, 1998 jyly sazan balyqtyŋ killogramy 45 teŋgeden, şabaqty – 10 tgden ötkızetınbız. Al qazır sazan 500 tg, kökserkeler (sudak) 600 tg, şabaqtyŋ kışısı 80, ülkenderın 150 tgden qabyldaidy.
Balyq halyqqa bır qoldan keiın barmaidy. Mäselen, bız memlekettıŋ qabyldau punktıne jaŋa aitqan baǧada ötkızsek, olar köterme saudagerlerge basqa baǧamen beredı. Al olar bazardaǧy satuşylarǧa satyp, olar halyqqa bastapqy baǧadan üş ese köp mölşerde satady. Balyq şaruaşylyǧynyŋ eŋ ökınıştı tūsy – osy.
Degenmen bazarlarda Qapşaǧai balyqtary joǧary baǧalanady. Olardyŋ dämı özge teŋız balyqtarynan erekşe keledı. Myna bır jaitty halyq este ūstaǧan jön. Qapşaǧai balyqtaryn basqa sudyŋ balyǧynan aiyra bılu üşın, balyqtyŋ ūzyndyqtaryna män berıŋız. Eger balyqtyŋ syrtqy sipaty men ūzyndyqtary bıp-bırdei bolsa, onda ol – Qapşaǧaidykı emes. Men öz täjıribemde Qapşaǧaidan eşqaşan bırdei ölşemdı balyqtar kezdestırgen emespın.
-«Balyqşy» retınde qandai armanyŋyz bar?
-«Egınşı jylda armandar, balyqşy künde armandar» degen söz beker emes. Älbette, bız de öz käsıbımızdıŋ damyǧanyn qalaimyz.
Halyq bazardaǧy balyqtyŋ baǧasyn körıp bälkım balyqşynyŋ bärı bai dep oilar. «Balyqşynyŋ tapqany – etek-jeŋı kepkenşe» deidı. Bızdıŋ aimaqta tek balyq şaruaşylyǧy damyp tūrǧandyqtan säuır-mamyr ailarynda tyiym salu uaqytynda köbımız tiynsyz qalamyz. Sondyqtan bız de, el qatarly ömır süruımız üşın bızdıŋ salany tolyq meŋgergen, myqty mamandardyŋ at salysuymen balyq şaruaşylyǧynyŋ joǧary deŋgeide damyǧanyn qalaimyz.
-Sūhbatyŋyzǧa raqmet!
-Balyq şaruaşylyǧynyŋ qiynşylyǧy nede?
-Balyq şaruaşylyǧynyŋ bar qiynşylyǧy – densaulyqqa ziiandyǧy. Küz, qys, köktem ailarynda su öte salqyn bolady. Degenmen köktem jäne küz naǧyz balyqtyŋ qyz-qyz qainap jatqan uaqyty. Bırınşıden qystyŋgünı mūz qauıptı. Apat aityp kelmeidı. Qai uaqytta, qai sätte mūz jarylyp keter eken degen qauıp bolady. Degenmen bır qyzyqty fakt aita keteiın. Qapşaǧai suy öte tereŋ bolǧandyqtan ärı şyǧystan da, batystan da jel soǧyp tūratyndyqtan suy keş qatady. Basqa öŋırler mäselen Aral, Balqaş teŋızderı qys bastalysymen mūz bop qatyp qalsa, Qapşaǧai jeltoqsannan qaŋtardyŋ ortasyna deiın qatpai tūrady. Ekınşıden, köktem men küz kezınde mūz tolyqtai erımei tūrǧan sūp-suyq suǧa qolymyzdy saǧattap salyp otyramyz. Būl ärine – öte qiyn.
Qauıptıŋ 80%-y tehnikanyŋ älsızdıgınen bolady. Öitkenı, qaiyǧyŋ myqty bolsa dauyldyŋ ortasynda qalsaŋ da jaǧaǧa bar jyldamdyqpen jüzıp jetuıŋe bolady. Qazır qaiyqtyŋ jaŋa türlerı şyǧuda. Ruldı qaiyq, motorynyŋ küşı köp qaiyqtar, plastmassa qaiyqtardyŋ biıktıgı, tolqyndy ūstap qaluy, jaqsyraq bolyp keledı. Ol balyqşy üşın öte maŋyzdy. Ruldı qaiyqtardyŋ aldyŋǧy qalqa terezesı bolady. Tolqyn kezınde qatty jüzgen qaiyq sekırgen sätte ışke qarai su kırmeuıne osy tereze sebepşı bolady. Al qalǧan qauıptıŋ, qiynşylyqtyŋ 20%-y balyqşynyŋ qabıletıne bailanysty.
Sonymen qatar qys kezınde balyqqa arnalǧan su ötkızbeitın arnaiy kiımnıŋ ışınen qalyŋdap kiınemız. Qolǧap, rezeŋke etık qozǧaluǧa qiyndyq tuǧyzady. Degenmen qimyldaǧan saiyn, qalyŋ kiımnen terleisıŋ. Terlegen dene salqyndy tez qabyldaǧyş keledı. Sondyqtan bız qaşan da qauıptıŋ, naǧyz täuekeldıŋ ortasynda jüremız.
Qapşaǧai kögıne töŋgen qara būlt. Dauyl osylai bastalady.
-Jūmys barysynda oryn alǧan qandai qyzyqty ärı qauıptı jaǧdailar boldy?
-Jaŋa aitqanymdai bızdıŋ är kez balyqqa şyuymyz, täuekel etuden bastalady. Tabiǧattyŋ tosyn-syilary jeterlık. Aua-raiynyŋ boljamyna qaramastan kenet jel, dauyl tūrǧan uaqytta teŋız ortasynda qalsaŋ, mıne eŋ qorqynyşty sät. Qaiyǧyŋ senımdı bolsa, jaǧaǧa jetıp ülgeruıŋe bolady. Al eskı qaiyq teŋızden bır oqiǧasyz qaitarmaidy. Ondai jaǧdailardyŋ talaiy bolǧan. Sondai oqiǧalardyŋ bırı – dauyl kezınde qaiyqpen bırge batyp bara jatqan bır kısını qūtqaryp qaldyq.
Däulet esımdı serıgımmen bırge Qapşaǧaidyŋ arǧy betıne salǧan auymyzdy körıp qaituǧa şyqqanbyz. Künıge baryp jürgen jerımız ǧoi, bıraq däl sol künı auymyzdy tappai bıraz uaqyt bögelıp qaldyq. Kenetten batystan küştı jel tūryp, teŋız tolqyny bastalyp kettı. Bıraz uaqyttan soŋ tauyp, jūmystarymyzdy barynşa tez bıtırıp bergı jaǧaǧa qaityp bara jatqanbyz. Bır kezde alystan bır qara körındı. Jaqyndai kele bır adamnyŋ qolyn būlǧap tūrǧanyn baiqadym. Däulet «benzinı bıtken bolar» dep asa män bermedı. Bırnärse bolǧan au, dep sol jaqqa qarai būrdym. Jaqyndap qalsaq ta, ana adam qol būlǧauyn toqtatar emes. Söitsek, bır orys kısı qaiyǧyna köp balyq salyp jıberıp, qatty tolqynnan su tolyp, batyp bara jatyr eken. Kömektesuge bekınıp ana kısını bızdıŋ qaiyqqa mıngızıp aldyq. Qaiyǧyn keiın şyǧaryp alsyn degen nietpen, jıp bailap, navigator ornatu maqsat boldy. Öz qaiyǧymnan qalyŋyraq jıp tauyp batyp bara jatqan qaiyqqa bailadym. Bır kezde qaiyqtyŋ benzin toly baky suǧa qalqyp şyqty. Bak tolyǧymen betıne qalqyp şyǧu üşın ışındegı benzinın tögıp tastau kerek boldy. Bır jaǧynan dauyl, bır jaqtan tolqyn qysyp bakty töŋkeruge mümkındık berer emes. Sonda da arpalasyp jatyrmyn. Tıptı orys aǧanyŋ qazaqşa «özıŋnıŋ qaiyǧyŋa qūiyp alsaŋşy» degenın de baiqamappyn (külıp). Sodan soŋ benzin tögıldı, bak su betınde qalqyp tūr, jıp bailauly, navigator belgılendı, maqsat oryndaldy jäne jaǧaǧa qarai bastyq. Orys kısı qatty şoşynǧannan dırıldep ketken. Tynyştandyryp, barynşa kömek körsettık. Osylaişa aman-esen jetıp bır adamnyŋ ömırın qūtqaryp qaldyq.
Taǧy bır jyldary qysta dauyl tūryp teŋızdıŋ ortasynda ekı künnen astam uaqyt qalyp qaldyq. Kömekke bır qaiyq kelıp bızdı alyp ketuge tyrysqanymen ekı qaiyqtyŋ salmaǧy, dauyl, qar, tolqyn köterılıp teŋız suy qaiyqqa qūiylyp mūz bop qatyp bara jatqandyqtan ol oiymyzdan tük şyqpady. Amal qalmaǧan soŋ, qaiyǧymyzdaǧy bükıl balyqty kömekke kelgenderge salyp jıberıp, özımız dauyldyŋ basylǧanyn kütuge mäjbür boldyq. Janymdaǧy serıgımmen jaǧaǧa bırnärse qylyp jettık. Tün boldy. Qar älı jauyp jatyr, jel basylar emes. Täuekel etıp erteŋdı küteiık dep şeştık. Tıptı ot ta jaǧa almadyq. Qaiyqtyŋ jük salǧyşynda eskı kiımder bar eken. Solardy amaldap jamylmaq bolyp edık, serıgım «Erkın!» dep aihailady. Söitsem qamystyŋ arasynan qaiyq tauyp alypty. Ol qaiyqty aqtarsaq ta ot jaǧatyn eşnärse tappadyq. Amal qalmaǧan soŋ, qamystardy syndyryp, qalyŋdap astymyzǧa tösedık. Qaiyqtyŋ üstın japqan ülken sellofan bar eken. Toŋbas üşın üstımızge sellofandy japtyq ta, jaŋaǧy tauyp alǧan qaiyǧymyzdy kerı qarai audaryp sonyŋ astyna jattyq. Taŋerteŋ betıme tamǧan tamşy sudan oianyp kettım. Söitsem, adamnyŋ buymen sellofan sulanyp, sol su betıme tamǧan eken. Qaiyqtyŋ astynan şyqsaq, qar basyp qalypty. Jel joq. Qaiyqty audaryp ornyna qoidyq ta, qaiyǧymyzǧa mınıp, jinalyp, öz jaǧamyzǧa esen-aman oraldyq.
-Mıne naǧyz oqiǧa! Jalpy auǧa tüsken balyqtyŋ bügıngı sany men būrynǧy kezderdegı mölşerden aiyrmaşylyǧy qanşalyqty?
-Balyqtyŋ mölşerı būrynǧydan azaidy deuge kelmeidı. Mūny bylai tüsındıreiın. Būryndary balyq köp bolǧanymen aulaityn balyqşy, balyqşy bolǧan künnıŋ özınde aulary köp bolmady. Mäselen, sazan balyqtarǧa arnalǧan aular keiınırekte ǧana şyqty. Sol sebeptı kezınde sazan balyqtar aulana bermeitın. Şyndyǧyna kelgende, ol jyldary tūtynuşylyq, qajettılık az bolatyn. Äiteuır är balyqşy kün körısıne jetkılıktı türde tabatyn. Esımde bary, 1998 jyly sazan balyqtyŋ killogramy 45 teŋgeden, şabaqty – 10 tgden ötkızetınbız. Al qazır sazan 500 tg, kökserkeler (sudak) 600 tg, şabaqtyŋ kışısı 80, ülkenderın 150 tgden qabyldaidy.
Balyq halyqqa bır qoldan keiın barmaidy. Mäselen, bız memlekettıŋ qabyldau punktıne jaŋa aitqan baǧada ötkızsek, olar köterme saudagerlerge basqa baǧamen beredı. Al olar bazardaǧy satuşylarǧa satyp, olar halyqqa bastapqy baǧadan üş ese köp mölşerde satady. Balyq şaruaşylyǧynyŋ eŋ ökınıştı tūsy – osy.
Degenmen bazarlarda Qapşaǧai balyqtary joǧary baǧalanady. Olardyŋ dämı özge teŋız balyqtarynan erekşe keledı. Myna bır jaitty halyq este ūstaǧan jön. Qapşaǧai balyqtaryn basqa sudyŋ balyǧynan aiyra bılu üşın, balyqtyŋ ūzyndyqtaryna män berıŋız. Eger balyqtyŋ syrtqy sipaty men ūzyndyqtary bıp-bırdei bolsa, onda ol – Qapşaǧaidykı emes. Men öz täjıribemde Qapşaǧaidan eşqaşan bırdei ölşemdı balyqtar kezdestırgen emespın.
-«Balyqşy» retınde qandai armanyŋyz bar?
-«Egınşı jylda armandar, balyqşy künde armandar» degen söz beker emes. Älbette, bız de öz käsıbımızdıŋ damyǧanyn qalaimyz.
Halyq bazardaǧy balyqtyŋ baǧasyn körıp bälkım balyqşynyŋ bärı bai dep oilar. «Balyqşynyŋ tapqany – etek-jeŋı kepkenşe» deidı. Bızdıŋ aimaqta tek balyq şaruaşylyǧy damyp tūrǧandyqtan säuır-mamyr ailarynda tyiym salu uaqytynda köbımız tiynsyz qalamyz. Sondyqtan bız de, el qatarly ömır süruımız üşın bızdıŋ salany tolyq meŋgergen, myqty mamandardyŋ at salysuymen balyq şaruaşylyǧynyŋ joǧary deŋgeide damyǧanyn qalaimyz.
-Sūhbatyŋyzǧa raqmet!
Äŋgımelesken: Dina LİTPİN,
«Adyrna» ūlttyq portaly
Ūqsas jaŋalyqtar
