Memleket basşysy Qasym-Jomart Toqaevqa Qazaqstan men Türkiia arasyndaǧy dostyq pen ıskerlık bailanystardyŋ nyǧaiuyna üles qosyp kele jatqan türkiialyq investor, «Ahsel Holding» direktorlar keŋesınıŋ töraǧasy Ahmet Hamdi Aian qūttyqtau joldap, elımızde jürgızılıp jatqan reformalarǧa qoldau bıldırdı. Ol jaŋa Konstitusiia jobasy boiynşa ötken referendumnyŋ sättı ötuın Qazaqstannyŋ tūraqty damuy men jarqyn bolaşaǧyna bastaityn maŋyzdy qadam retınde baǧalady. Osy oraida bız belgılı käsıpkermen sūhbattasqan edık.
— Ahmet Hamdi myrza, Qazaqstandaǧy keiıngı saiasi reformalarǧa közqarasyŋyz qandai?
— Qazaqstanda jürıp jatqan özgerısterdı ärdaiym ülken yqylaspen baqylap kelemın. Memleket basşysy Qasym-Jomart Toqaetyŋ bastamasymen jüzege asyrylyp jatqan reformalar eldıŋ ornyqty damuyna, qoǧamdyq kelısımnıŋ nyǧaiuyna jäne zamanaui memleket retınde ılgerıleuıne negız bolady dep senemın. Eŋ bastysy, mūndai bastamalar qoǧamdaǧy tūraqtylyqty saqtap, el azamattarynyŋ bolaşaqqa degen senımın küşeitedı.
— Sız Prezident Qasym-Jomart Toqaevqa arnaiy qūttyqtau joldadyŋyz. Būǧan toqtalsaq?
— Men Qazaqstan Respublikasynyŋ Prezidentın Qasym-Jomart Toqaevty jaŋa Konstitusiia jobasy boiynşa ötken referendumnyŋ tabysty ötuımen qūttyqtadym. Būl – el ömırındegı maŋyzdy tarihi beles. Referendum halyqtyŋ el taǧdyryna beijai qaramaitynyn, memleket bolaşaǧyna jauapkerşılıkpen qaraitynyn körsettı. Sonymen qatar, Qazaqstanda jüzege asyrylyp jatqan reformalardyŋ eldıŋ jan-jaqty damuyna jol aşatynyna senım bıldırdım. Būl qadamdar tūraqtylyqty nyǧaityp, bereke-bırlıktı bekemdei tüsedı dep oilaimyn.
— Sızdıŋşe, Qazaqstannyŋ basty artyqşylyǧy nede?
— Qazaqstannyŋ basty qūndylyǧy – el ışındegı tatulyq, qoǧamdyq kelısım jäne türlı ūlt pen mädeniettıŋ özara syilastyǧy. Osyndai tūraqtylyq pen özara qūrmet ahualy memlekettıŋ damuyna da, investisiia tartuǧa da oŋ äser etedı. Bügınde Qazaqstanda käsıp aşuǧa, biznes jürgızuge barlyq jaǧdai jasalǧan.
Äsırese qūrylys salasyndaǧy investorlarǧa memleket tarapynan naqty qoldau tetıkterı ūsynylǧan. İnvestorlarǧa jobalardy süiemeldeu, memlekettık organdarmen özara ıs-qimyldy jeŋıldetu, investisiialyq kelısımder jasauǧa qoldau körsetu siiaqty şaralar qarastyrylǧan.
Būǧan qosa, Qazaqstanda halyqaralyq forumdar men ıskerlık kezdesuler tūraqty türde ötkızılıp tūrady. Mäselen, elde Kazakhstan Global Investment Roundtable siiaqty ırı investisiialyq alaŋdar ūiymdastyrylady. Bız de mūndai ıs-şaralarǧa belsendı qatysuǧa tyrysamyz.
— Qazaqstan men Türkiia arasyndaǧy bailanysty qalai baǧalaisyz?
— Qazaqstan men Türkiiany tek ekonomikalyq müdde emes, tarihi tamyr, ortaq ruhani qūndylyqtar men bauyrlastyq bailanystyrady. Türkı elderınıŋ bırlıgı – bügıngı kezeŋdegı maŋyzdy faktorlardyŋ bırı. Mūndai ruhani jaqyndyq memleketaralyq qarym-qatynastyŋ beki tüsuıne, sauda-ekonomikalyq jäne mädeni yntymaqtastyqtyŋ keŋeiuıne jol aşady. Sondyqtan Qazaqstan men Türkiia arasyndaǧy ärıptestıktıŋ bolaşaǧy zor dep bılemın.
— Sız Qazaqstanda ūzaq jyldan berı jūmys ıstep kelesız. Būl elmen bailanysyŋyzdyŋ mänı nede?
— Qazaqstan – bız üşın tek ıskerlık serıktes emes, bauyrlas el. Osy elde ūzaq uaqyt jūmys ıstei jürıp, bız onyŋ damuyna, jaŋaruyna jäne halyqaralyq bedelınıŋ artyp jatqanyna kuä boldyq. Eŋ bastysy, Qazaqstanda alǧa ūmtylys bar, bolaşaqqa degen aiqyn senım bar. Būl kez kelgen ärıptestı jıgerlendıredı.
— Qazaqstan halqyna qandai tılek aitasyz?
— Qazaqstan halqyna eŋ aldymen amandyq, bırlık, bereke tıleimın. El ışındegı tatulyq pen tūraqtylyq ärdaiym saqtalsyn. Qazaqstan özınıŋ damu jolynda jaŋa biıkterge köterıle beretınıne senemın. Osy oraida Memleket basşysy Qasym-Jomart Toqaevqa investisiia men käsıpkerlıktı damytuǧa qolaily jaǧdai qalyptastyruǧa baǧyttalǧan saiasaty üşın alǧysymdy bıldıremın. Bauyry bır, tılegı ortaq türkı jūrtynyŋ yntymaǧy da arta bersın.
