Qazaqstandyq Äsel Aitpaevany zorlady dep aiyptalǧan Besik Torduanyŋ ölımıne mi infarkty sebep boluy mümkın, dep habarlaidy «Adyrna» ūlttyq portaly Sputnik Qazaqstan saityna sılteme jasap.
2021 jyldyŋ 28 mamyrynda eldıŋ arnaiy penitensiarlyq qyzmetınde aiyptaluşyǧa medisinalyq tekseru jürgızılıp, arteriialyq gipertenziia diagnozy qoiylǧan. Soǧan bailanysty ol ünemı medisina qyzmetkerlerınıŋ baqylauynda boldy.
2021 jyldyŋ 30 mausymynda Tordua därıgerge basy qatty auyryp tūrǧanyn, esınen tanyp qalǧanyn aitqan. Ol söileu qabıletınıŋ būzyluyna jäne qan qysymynyŋ joǧarylauyna äkelgen.
Tordua jedel järdemmen azamattyq emhanaǧa jetkızıldı. Emhanada jürgızılgen midyŋ kompiuterlık tomografiiasynyŋ nätijesı jäne nevrologtyŋ keŋesı boiynşa oǧan mi infarkty diagnozy qoiyldy.
«Auyr jaǧdaida bolǧanyna bailanysty aiyptaluşy jansaqtau bölımıne jatqyzyldy, em qabyldap, intensivtı baqylauda boldy. Neirohirurgtyŋ keŋesıne bailanysty şūǧyl operasiia jasau qajettılıgı tuyndady. Operasiiadan keiın nauqastyŋ jalpy jaǧdaiy auyr, gemodinamika körsetkışterı tūraqsyz bolyp qala berdı», - delıngen penitensiarlyq qyzmettıŋ habarlamasynda.Em körsetılgenıne qaramastan nauqastyŋ jaǧdaiy naşarlady. 2021 jyldyŋ 14 şıldesınde jürek yrǧaǧy būzylyp, köp ūzamai onyŋ jūmysy toqtady.
«Jürek-ökpe reanimasiiasy hattamaǧa tolyq säikes bastaldy, bıraq jürektıŋ mehanikalyq funksiiasyn qalpyna keltıre almady. Nauqas qaitys boldy», - delıngen habarlamada.Aita keteiık, būǧan deiın 26 jastaǧy Qazaqstan azamaty Äsel Aitpaevany zorlady dep aiyptalǧan Besik Tordua türmede ölı tabylǧany turaly aqparat tarady. Is boiynşa tergeu älı aiaqtalǧan joq.
"Adyrna" ūlttyq portaly
Ūqsas jaŋalyqtar
