Qazaqstandyq Ásel Aıtpaevany zorlady dep aıyptalǵan Besık Tordýanyń ólimine mı ınfarkty sebep bolýy múmkin, dep habarlaıdy «Adyrna» ulttyq portaly Sputnik Qazaqstan saıtyna silteme jasap.
2021 jyldyń 28 mamyrynda eldiń arnaıy penıtenıarlyq qyzmetinde aıyptalýshyǵa medıınalyq tekserý júrgizilip, arterııalyq gıpertenzııa dıagnozy qoıylǵan. Soǵan baılanysty ol únemi medıına qyzmetkerleriniń baqylaýynda boldy.
2021 jyldyń 30 maýsymynda Tordýa dárigerge basy qatty aýyryp turǵanyn, esinen tanyp qalǵanyn aıtqan. Ol sóıleý qabiletiniń buzylýyna jáne qan qysymynyń joǵarylaýyna ákelgen.
Tordýa jedel járdemmen azamattyq emhanaǵa jetkizildi. Emhanada júrgizilgen mıdyń kompıýterlik tomografııasynyń nátıjesi jáne nevrologtyń keńesi boıynsha oǵan mı ınfarkty dıagnozy qoıyldy.
«Aýyr jaǵdaıda bolǵanyna baılanysty aıyptalýshy jansaqtaý bólimine jatqyzyldy, em qabyldap, ıntensıvti baqylaýda boldy. Neırohırýrgtyń keńesine baılanysty shuǵyl operaııa jasaý qajettiligi týyndady. Operaııadan keıin naýqastyń jalpy jaǵdaıy aýyr, gemodınamıka kórsetkishteri turaqsyz bolyp qala berdi», - delingen penıtenıarlyq qyzmettiń habarlamasynda.
Em kórsetilgenine qaramastan naýqastyń jaǵdaıy nasharlady. 2021 jyldyń 14 shildesinde júrek yrǵaǵy buzylyp, kóp uzamaı onyń jumysy toqtady.
«Júrek-ókpe reanımaııasy hattamaǵa tolyq sáıkes bastaldy, biraq júrektiń mehanıkalyq fýnkııasyn qalpyna keltire almady. Naýqas qaıtys boldy», - delingen habarlamada.
Aıta keteıik, buǵan deıin 26 jastaǵy Qazaqstan azamaty Ásel Aıtpaevany zorlady dep aıyptalǵan Besık Tordýa túrmede óli tabylǵany týraly aqparat tarady.
Is boıynsha tergeý áli aıaqtalǵan joq.
"Adyrna" ulttyq portaly
