ماحابباتتا ءجيى جولى بولمايتىن 4 زودياك بەلگىسى: سەبەبى، شەشىمى

3593

كەز كەلگەن ادام قارىم-قاتىناستا جەتىستىككە جەتۋى ءۇشىن كەلەسى ءبىر ادامنىڭ جۇرەگىنىڭ كىلتىن تابۋى كەرەك. الايدا، زودياك بەلگىلەرىنىڭ ىشىندە وسىنداي جاقىندىققا يە بولۋدا ءجيى جولى بولمايتىن 4 زودياك بەلگىسى بار.  «ادىرنا» ءتىلشىسى وسى زودياك بەلگىلەرىنىڭ ماحابباتتا جەتىستىككە جەتۋدەگى قيىندىقتارى مەن سەبەبىن اشىپ ايتىپ بەرمەك.

سارىشايان

سارىشاياندار ءوزىنىڭ پوتەنتسيالدى سەرىكتەستەرىن وتكىر مىنەزدىلىگىمەن ۇركىتىپ الادى. سارىشايانداردىڭ ىشكى دۇنيەسىنىڭ تۇڭعيىقتىعى مەن شىتىرماندىعى سونشالىقتى، كەيبىر بۇل بەلگىدەگى جاندار ءتىپتى ءوز  مىنەزىن تۇسىنە المايدى.

ەر سارىشاياندار دا، ايەل سارىشاياندار دا ماحابباتقا جەڭىل قاراۋدان قاشقان ەمەس. بىراق ناعىز قارىم-قاتىناس قۇرۋ ءۇشىن ولارعا وزدەرىنىڭ ىشكى جان-دۇنيەسىنە سەنەتىن ادال جانە بايسالدى ادام قاجەت.

سۋقۇيعىش

وسى بەلگىنىڭ وكىلدەرى ءۇشىن وزىڭىزگە سەنىمدى بولۋ جانە ەرەكشە بولۋ ماڭىزدى. ول ەكستراۆاگانتتىقپەن سيپاتتالادى، ياعني سىرتقى نەمەسە ىشكى دۇنيە. سىرتىنان قاراساڭ سۋقۇيعىشتار تىم قاتال ءارى تۇيىقتاۋ كورىنۋى مۇمكىن. الايدا، ولارعا شىنايى ۇناي بىلسەڭىز، دوستىق كىلتىن تابا الساڭىز ولاردىڭ سىزگە اشىلۋى وڭايعا سوقپاق.

الايدا، سۋقۇيعىشپەن دوستىقتان كەيىنگى قادامعا ءوتۋ – ءبىرشاما قيىنداۋ. ەگەر ونىمەن شىنايى ماحابباتقا تولى قارىم-قاتىناس قۇرعىڭىز كەلسە، ەڭ الدىمەن دوستىق ەتاپتان وتكەنىڭىز ابزال. ونىمەن بىردەي ويلاپ، ونىڭ قابىلداعان شەشىمىنە قولداۋ ءبىلدىرىڭىز. ءوز كەزەگىندە، سۋقۇيعىش وزىنە تىم سەنىمدىلىگىنىڭ كەسىرىنەن ارا-قاتىناس قۇرعان ساتتە جەكە تاۋەلسىزدىگىنەن ايىرىلاتىنداي سەزىنەدى. بۇل ونىڭ باستى كەمشىلىگى.

مەرگەن

مەرگەندەر بوستاندىقتى، ەركىن ءجۇرۋدى سۇيەتىن ەرەكشە زودياك بەلگىسى بولىپ تابىلادى. ولار اقىلدى، ءبىلىمدى، جان-جاقتى، بىراق ول وسىنىڭ ءبارىنىڭ دامۋى تەك ءوزىنىڭ ارقاسى دەپ بىلەدى. ول بىرەۋدىڭ اقىل ايتقانى مەن تالىمگەرلىك ەتكەنىن ۇناتپايدى. الايدا مەرگەندەر وزگەلەرگە كەڭەس بەرۋگە قۇمار ءارى ءوزى دە تاماشا موراليزاتور.

مەرگەندەر باسقالاردىڭ سەزىمدەرىن سەزىنۋ ءۇشىن تىم ساق بولىپ، كوبىنە بارلىعىن اقىلعا سالادى. وزىنە ۇناعان ادامنىڭ ءوزىنىڭ تىك مىنەزدىلىگىنە، اشىقتىعىنا وڭ كوزقاراسپەن قاراعانىن قالايدى. ەكىنشى جارتىسى ونىڭ جەكە ومىرىنە شەكتەن تىس كىرىسىپ، شەكتەۋلەر قويعانىن قالامايدى. سوندىقتان ولار جەڭىل جاقىندىقتاعى ارا-قاتىناستى قولدايدى. ولار بەلسەندى ءارى ءينيتسياتيۆتى جاندار. سوندىقتان، مەرگەن قىز/ۇلدى ۇناتساڭىز، شەشىم قابىلداۋدان قورىقپاڭىز.

ەگىزدەر

وسى زودياك بەلگىسىنىڭ وكىلدەرى ءۇشىن شىنايى قارىم-قاتىناس قۇرۋ قيىن تاقىرىپتاردىڭ ءبىرى، اسىرەسە، ەگىز-ەرلەر ءۇشىن. ەگىزدەرگە جەتۋگە ۇمتىلعان ادامدار وسى بەلگى وكىلدەرىنىڭ ەرەكشە نازار بولگەنىن قالايدى. بىراق بۇل مۇمكىن ەمەس، ويتكەنى ەگىزدەر بارلىعىنىڭ نازارىندا.

ەرەكشە، جاڭا جانە قىزىقتى دۇنيەلەر بۇل بەلگىدەگى جانداردى قىزىقتىرا باستايدى. الايدا ولار كوپ نارسەدەن تەز جالىققىش كەلەدى. سوندىقتان ەگىزدەر باسقا نارسەنى ىزدەي باستايدى. ەگىزدەر ءبىر ادامعا باۋىر باسقانىن جانە ناقتى ۇناتاتىنىن قارىم-قاتىناس كەزىندە ءجيى ۇعا المايدى. ءيا، ولارمەن تەز ءتىل تابىسۋ، دوس بولۋ وڭاي بىراق، قارىم-قاتىناستا تۇراقتىلىققا جەتۋ قيىن. ولاردىڭ ارتىنان جۇگىرىپ، ماحابباتىڭىزدى تولىعىمەن كورسەتۋدىڭ قاجەتى جوق. ويتكەنى، ولار ءسىزدى شىنىندا كەرەك ادام دەپ تاپسا، وزدەرى-اق ينيتسياتيۆا تانىتادى.

«ادىرنا» ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket