Sapaly arnauly äleumettık qyzmet körsetu - memlekettık saiasattyŋ negızgı baǧyty. Stasionar jaǧdaiynda qyzmet aluşylardyŋ jeke basyna qol sūǧylmauşylyǧy men qauıpsızdıgın qamtamasyz etu, sonymen qatar qoǧamda özara ärekettesu kezınde barlyq jaǧynan qoldau saqtaluy kerek. Däl osy mındetterdıŋ mınsız atqaryluyn baqylau maqsatynda monitoringtık top qūryldy.
Atalǧan tekseru şaralary, Qazaqstan Respublikasynyŋ Eŋbek jäne halyqty äleumettık qorǧau ministrlıgımen aǧymdaǧy jyldyŋ 26 aqpanynda «Özgerıster joly: är azamatqa laiyqty ömır!» atty NurOtan partiiasynyŋ sailaualdy baǧdarlamasynyŋ jol kartasyn jüzege asyruda «Ardagerlerdı ardaqtaiyq» partiialyq jobasynyŋ şeŋberınde jüzege asyryldy. Säikesınşe, medisinalyq-äleumettık mekemelerde tūratyn qart adamdardyŋ jaǧdaiyna monitoring jürgızıldı.
Aǧymdaǧy jyldyŋ 17-21 mamyr aralyǧynda Tekelı qalasyndaǧy «Şapaǧat» jäne «Qapşaǧai arnauly äleumettık qyzmet körsetu ortalyǧy» KMM memlekettık organdardyŋ mamandary men qoǧamdyq ökılderdıŋ qatysuymen tekseru jūmystary jasaldy.
Monitoringtık top müşelerı, Tekelı qalasyndaǧy «Şapaǧat» ortalyǧynda merekelık şaralar ötkızıletın arnaiy mäjılıs zalynyŋ joqtyǧyn alǧa tartyp otyr. Aitularynşa, atalǧan äleumettık qyzmet körsetu mekemesınde qyzmet aluşylar arasynda şyǧarmaşylyq jäne talantty adamdar köp, olar är ıs-şaraǧa konserttık baǧdarlamalar daiyndaidy. Mäjılıs zalynyŋ joqtyǧynan olar ashanada ıs-şaralar ötkızuge mäjbür.
Ekınşı, nysanaǧa alynǧan ortalyq, Qapşaǧai qalasynda ornalasqan. Tekseruge qatysqan mamandar, «Qapşaǧai arnauly äleumettık qyzmet körsetu ortalyǧy» KMM ışındegı jihazdardy auystyryp, qar men jaŋbyrdan qorǧaityn arnaiy şatyr ornatu kerektıgın, jalpy alǧanda ǧimaratty jöndeuden ötkızu turaly ūsynymdaryn bergen.
Qos ortalyqtyŋ jūmysymen tanystyq. Jalpy alǧanda jaǧdailary jaqsy. Mekeme qyzmetkerlerınıŋ qyzmet aluşyrmen ornatqan qarym-qatynasyna, körsetıletın äleumettık kömekterdıŋ sapasyna mın taǧa almaimyz, tek materialdyq bazalaryn nyǧaityp, ǧimarat jöndeuden ötse bolǧany,-deidı ūlttyq aldyn alau tetıgınıŋ müşesı Gulgana Nazyrova.Atalǧan ortalyqtar bırınşı jäne ekınşı toptaǧy mügedekter men egde jasyna bailanysty özıne qyzmet körsetuge mümkındıgı joq adamdarǧa, iaǧni qarttardyŋ tūruyna arnalǧan ūiymdar bolyp tabylady. Aita keteiık, öŋırde 2231 orynǧa arnalǧan 13 medisinalyq – äleumettık mekeme jūmys ısteidı.
Ūqsas jaŋalyqtar
