(Fotoportret)
Búgin - dańqty fototilshi Denderbaı aǵanyń týǵan kúni! Denderbeı Egizov – qazaq sport fotojýrnalıstıkasynyń tólqujaty.
Qazaqylandyra tússek, piri ári biregeı tulǵasy! Alqyn-julqyn aqparat qyzmetinde ápter-tápterińdi shyǵaratyn áriptester de, búkil jumysyńdy jeńildetip jiberetin adamdar da bolady. Bizdiń darhan kóńil Dákeń osy sońǵy toptyń kóshin bastap júretin edi. Ol aralasty degenshe barlyq máseleniń kilti tabyla ketedi.
Baıaǵyda Hırosımaǵa birge barǵanymyzda atom bombasyna arqasyn tosqan ataqty parkte ulardaı shýlaǵan japon ulandarynyń ortasynda turǵan Denderbaı aǵaǵa qarap súısingenimiz kúni keshegideı esimizde. Sebebi, bir qaraǵanda syrtqy sıpatynyń japon men káristen aıyrmasy shamaly qadirli kókemiz álgi kóriniske keremet kirigip-aq ketkeni. Sol jolǵy sapardan «Dákesi, bir top japon balalarynyń ákesi» degen ádemi ázil sóz bizben birge keldi...
Dender aǵa ózi sýretke túsýge qumar bolmasa da, áriptesteri taspaǵa tartqan birqatar dúnıe saqtalyp qalypty. Birazyn áıgili fotomergenniń nemeresi Sanjar jetkizdi. Mol sýret taǵy bir tııanaqty fotosnaıper Asylhan Ábdiraıymulynyń qyryq jylǵa azyq bolatyn qazynaly qapshyǵynan shyqty.
Já, kóp sóılep qaıtemiz. Endi sýretter til qatsyn.
Den-aǵa, qyzyq, mol jyldar...
Baýyrjan OMARULY
