(فوتوپورترەت)
بۇگىن - داڭقتى ءفوتوتىلشى دەندەرباي اعانىڭ تۋعان كۇنى! دەندەربەي ەگىزوۆ – قازاق سپورت فوتوجۋرناليستيكاسىنىڭ تولقۇجاتى.
قازاقىلاندىرا تۇسسەك، ءپىرى ءارى بىرەگەي تۇلعاسى! القىن-جۇلقىن اقپارات قىزمەتىندە اپتەر-تاپتەرىڭدى شىعاراتىن ارىپتەستەر دە، بۇكىل جۇمىسىڭدى جەڭىلدەتىپ جىبەرەتىن ادامدار دا بولادى. ءبىزدىڭ دارحان كوڭىل داكەڭ وسى سوڭعى توپتىڭ كوشىن باستاپ جۇرەتىن ەدى. ول ارالاستى دەگەنشە بارلىق ماسەلەنىڭ كىلتى تابىلا كەتەدى.
باياعىدا حيروسيماعا بىرگە بارعانىمىزدا اتوم بومباسىنا ارقاسىن توسقان اتاقتى پاركتە ۇلارداي شۋلاعان جاپون ۇلاندارىنىڭ ورتاسىندا تۇرعان دەندەرباي اعاعا قاراپ سۇيسىنگەنىمىز كۇنى كەشەگىدەي ەسىمىزدە. سەبەبى، ءبىر قاراعاندا سىرتقى سيپاتىنىڭ جاپون مەن كارىستەن ايىرماسى شامالى قادىرلى كوكەمىز الگى كورىنىسكە كەرەمەت كىرىگىپ-اق كەتكەنى. سول جولعى ساپاردان «داكەسى، ءبىر توپ جاپون بالالارىنىڭ اكەسى» دەگەن ادەمى ءازىل ءسوز بىزبەن بىرگە كەلدى...
دەندەر اعا ءوزى سۋرەتكە تۇسۋگە قۇمار بولماسا دا، ارىپتەستەرى تاسپاعا تارتقان بىرقاتار دۇنيە ساقتالىپ قالىپتى. ءبىرازىن ايگىلى فوتومەرگەننىڭ نەمەرەسى سانجار جەتكىزدى. مول سۋرەت تاعى ءبىر تياناقتى فوتوسنايپەر اسىلحان ءابدىرايىمۇلىنىڭ قىرىق جىلعا ازىق بولاتىن قازىنالى قاپشىعىنان شىقتى.
ءجا، كوپ سويلەپ قايتەمىز. ەندى سۋرەتتەر ءتىل قاتسىن.
دەن-اعا، قىزىق، مول جىلدار...
باۋىرجان ومارۇلى
