«Taza Qazaqstan» respublikalyq aksiiasy aiasynda öŋır tūrǧyndary tuǧan ölkenı abattandyruǧa belsendı qatysuda. Bügın Pavlodar oblysynyŋ tükpır-tükpırındegı tūrǧyndar senbılıkke bıryŋǧai eŋbek qarqynymen şyqty.
Ekologiialyq ıs-şaralarǧa jüzdegen qatysuşylar jinaldy, olardyŋ arasynda jergılıktı bilık, qoǧamdyq ūiymdar, studentter, belsendıler jäne jai ǧana bei-jai azamattar bar. Barlyǧy 10-nan astam türlı aksiialar öttı.
Jastardy ekologiialyq mädenietke jäne tabiǧat pen eŋbekke jauapkerşılıkpen qarauǧa tärbieleu maqsatynda oblys ortalyǧynda Pavlodar qalasynyŋ Jastar bastamalaryn damytu ortalyǧynyŋ erıktılerı men qyzmetkerlerınıŋ bastamasymen qaldyqtardy bölek jinau men qaita öŋdeudı engızuge baǧyttalǧan «EkoDesant» ekologiialyq aksiiasy ūiymdastyryldy. Aksiia aiasynda bır top ekovolonterler künı boiy lastanǧan köşelerdı, aulalardy, saiabaqtar men alaŋdardy qoqystardy tazartu üşın aralap şyqty. Sonymen qatar, EkoDesant Oiyn – sauyn ortalyǧy men adamdar köp jinalatyn oryndarǧa baryp, oblys ortalyǧynyŋ tūrǧyndaryna qaldyqtardy bölek jinauǧa jäne qaita öŋdeuge halyqty tartu turaly aqparattyq bukletter taratty.
Pavlodar qalasynda «Jasyl el» studenttık qūrylys jäne jastar otriadtarynyŋ Pavlodar ştaby ūiymdastyrǧan ekologiia jäne turizm Ortalyǧynda «Jer ärkımnıŋ qolynda» ekologiialyq aksiiasy öttı. Būl ıs-şaranyŋ basty erekşelıgı-ekologiialyq jaǧdaidy jaqsartu siiaqty ortaq maqsatpen jūmys jasai otyryp, qatysuşylardyŋ qanaǧattanu deŋgeiı men äl-auqatyn arttyruǧa bolady, ıs-şara basqa adamdarǧa ülgı bola alady jäne olardy qorşaǧan ortany qorǧauǧa belsendı qatysuǧa yntalandyrady jäne kommunikativtı daǧdylar damidy.
Jastar ökılderınen qūralǧan 30 qatysuşy üşın ÜEŪ ekologiialyq ortalyq boiynşa ekologiialyq ekskursiia, jasyl jelekterdı otyrǧyzu erejelerımen, fitopatologiia negızderımen tanysu ūiymdastyryldy, sonymen qatar ekologiialyq problemalardy şeşude komandalyq jūmysqa jäne qatysuşylar arasyndaǧy qarym-qatynasty jaqsartuǧa baǧyttalǧan «Komandalyq bılım beru jäne ekologiia» taqyrybynda trening ötkızıldı.
Aita ketu kerek, «Taza Qazaqstan» respublikalyq aksiiasyna aǧymdaǧy kezeŋde memlekettık mekemeler men jeke ūiymdar, şarua qojalyqtary, jastar, volonterlık jäne ükımettık emes ūiymdar, mäslihat deputattary, PİK, MİB ökılderı jūmyldyryldy. Barlyǧy 330,0 myŋ adam qatysty, 276 skver, saiabaq abattandyryldy, 98 myŋ tonna qoqys şyǧaryldy, 29 myŋnan astam aǧaştar men būtalar otyrǧyzyldy.
