Pavlodar ákimi Erjan Imanzaıpovty qyzmetinen bosady. Bul týraly Pavlodar oblysy ákiminiń baspasóz qyzmeti málimdedi, dep habarlaıdy “Adyrna” ulttyq portaly.
Aqparat boıynsha, ol qaramaǵyndaǵylar arasynda sybaılas jemqorlyqtyń aldyn alý boıynsha tıisti jumys júrgizbegen.
Pavlodar oblysynyń ákimi Asaıyn Baıhanov Pavlodar qalasynyń aktıvimen kezdesý ótkizip, onyń qorytyndysy boıynsha qyzmetkerleri arasynda sybaılas jemqorlyqtyń aldyn-alý jáne eskertý jumystarynyń tıisinshe uıymdastyrylmaýyna, qala turǵyndary úshin oblys ortalyǵyn damytý jáne abattandyrý jónindegi mańyzdy jobalardyń iske asyrylýyna qajetti baqylaýdyń bolmaýyna, qala ákimdiginiń Pavlodar qalasynyń turǵyndarymen kommýnıkaııasynyń álsireýine baılanysty Pavlodar qalasynyń ákimi Erjan Imanzaıpovty laýazymynan bosatý týraly sheshim qabyldanǵanyn málimdedi, - dep jazylǵan Pavlodar oblysy ákiminiń baspasóz qyzmeti jibergen habarlamada.
Oblys ákiminiń apparatyna Prezıdent ákimshiligine tıisti usynys engizý tapsyryldy.
Aıta keteıik, Erjan Imanzaıpov qala ákimi qyzmetine 2022 jyldyń sońynda taǵaıyndalǵan edi.
