Şymkent qalasyndaǧy Dostyq üiınde Qazaqstan halqy Assambleiasy Töraǧasynyŋ orynbasary, Qazaqstan Respublikasy Prezidentı Äkımşılıgınıŋ QHA hatşylyǧynyŋ meŋgeruşısı Marat Äzılhanov qalalyq QHA janyndaǧy etnomädeni bırlestıkterdıŋ töraǧalarymen jäne qoǧamdyq qūrylymdardyŋ jetekşılerımen kezdestı.
Şymkent qalasy äkımınıŋ orynbasary Särsen Qūranbek aşyp jürgızgen jiynda Qazaqstan halqy Assambleiasynyŋ HHHIV sessiiasy men Memleket basşysynyŋ Qazaqstan halqyna arnaǧan Joldauynda mejelengen mındetter aitylyp, saiasi qūjatta jüktegen tapsyrmalardy ıske asyruda Assambleia belsendılerınıŋ äleuetın ūtymdy jūmyldyru jaiy söz boldy.
Elımızdıŋ tūraqty damuy üşın ışkı bırlıktı bekemdeu, etnosaralyq tatulyq pen qoǧamdyq kelısımdı saqtau ärbır azamattyŋ mereilı mındetı ekenı qalalyq QHA müşelerınıŋ nazaryna jetkızıldı.
Emın-erkın ötken jiynda Marat Almasūly qalalyq etnomädeni bırlestık töraǧalaryn aşyq pıkır almasuǧa şaqyrdy. Ötınış, būiymtai, syn bolsa, qūlaq asyp tyŋdauǧa daiyn ekenın jetkızdı.
– Osyǧan deiın ötken türlı jiyndar men kezdesulerde, basqosularda ünemı men söilep kelemın. Bügın Şymkentke at basyn būryp, sızderdı tyŋdap, pıkır almasu üşın kelıp otyrmyn. Qazaqstan halqy Assambleiasynyŋ qyzmetıne, ıske asyryp jatqan jobalaryna qatysty oilaryŋyz, ūsynystaryŋyz bolsa, aityŋyzdar, – dedı Marat Almasūly.
Jiynda qalalyq M.Äuezov atyndaǧy Oŋtüstık Qazaqstan zertteu universitetı «Tarih jäne etnologiia» ǧylymi ortalyǧynyŋ basşysy, «Qazaqtanu» jurnalynyŋ jauapty redaktory Şolpan Torǧautova, Ö.Jänıbekov atyndaǧy Oŋtüstık Qazaqstan pedagogikalyq universitetınıŋ departament direktory, qalalyq QHA janyndaǧy ǧylymi-sarapşylyq toptyŋ jetekşısı Qairat Anarbaev, qalalyq QHA janyndaǧy Etnomediasiia keŋesınıŋ töraiymy Dana Kenjeqūlova, qalalyq türık etnomädeni bırlestıgınıŋ töraǧasy Latipşa Asanov, qalalyq QHA töraǧasynyŋ orynbasary, qalalyq korei etnomädeni bırlestıgınıŋ töraǧasy Iýrii Pan, qalalyq QHA töraǧasynyŋ orynbasary, qalalyq özbek etnomädeni bırlestıgınıŋ töraǧasy Tahirbek Nişanbaev, qalalyq QHA janyndaǧy Aqsaqaldar keŋesı töraǧasynyŋ orynbasary Batyrbek Jalmūrzaev söz söilep, QHA institutynyŋ qyzmetı, atqarylǧan jūmystary men jobalary turaly pıkırlerın aitty.
Kezdesu soŋynda qalalyq «Vainah» şeşen-inguş mädeni ortalyǧynyŋ» töraǧasy Ramazan Mataev pen qalalyq özbek etnomädeni bırlestıgınıŋ müşesı Şuhrat Ruzmetovke Qazaqstan halqy Assambleiasynyŋ «Alǧys» medalı, Jūmabek Täşenev universitetınıŋ rektory Qanat Baibolov pen Şymkent qalasy QHA janyndaǧy Analar keŋesınıŋ töraiymy Güljan Sügırbaevaǧa jäne qalalyq äzırbaijan etnomädeni ortalyǧynyŋ müşesı Adil Alievke Qazaqstan halqy Assambleiasynyŋ Alǧys haty tabystaldy.
Aşyq jüzdesudı qorytyndylaǧan QHA töraǧasynyŋ orynbasary pıkırlerdıŋ nazarǧa alynatynyn aitty.
– Qazaqstan halqy Assambleiasy men onyŋ janyndaǧy qoǧamdyq qūrylymdarǧa artylǧan auqymdy mındettıŋ tüpkı maqsaty – eldıŋ erteŋı üşın adal, bılımdı ärı otanşyl ūrpaq tärbieleu, – dedı Marat Äzılhanov.
Jiyn soŋynda QHA töraǧasynyŋ orynbasary kezdesuge kelgen etnos ökılderıne alǧys aityp, Dostyq üiındegı qalalyq etnomädeni bırlestıkterdıŋ jūmys kabinetterın aralap kördı.
