Qazaqstan halqy Assambleiasy Töraǧasynyŋ orynbasary, Qazaqstan Respublikasy Prezidentı Äkımşılıgınıŋ QHA hatşylyǧynyŋ meŋgeruşısı Marat Äzılhanov Şymkent qalasyna jasaǧan jūmys sapary aiasynda Dostyq üiınde jaŋǧyrtudan ötken etnomūrajaidy aralap, jergılıktı etnos ökılderınıŋ qoldauymen jinalǧan jädıgerlermen tanysty. Jalpyūlttyq bırlıktı bekemdeude mädeni mūranyŋ alar orny erekşe ekenın atap öttı.
Komiuniti ortalyǧynda «Assambleia jastary» respublikalyq qoǧamdyq bırlestıgı qalalyq ökıldıgınıŋ müşelerımen ötken kezdesude şymkenttık «Assambleia jastary» ūiymynyŋ qyzmetı jaily aitqan «Assambleia jastary» RQB töraǧasy Timur Jūmyrbaev elımızdegı üşınşı megapolis jastarynyŋ belsendılıgın tılge tiek ettı. Tamyzda Şymkent qalasy äkımdıgınıŋ qoldauymen «Assambleia jastary» ūiymynyŋ «Bız bırgemız» lagerın laiyqty ötkızgenın habarlap, Dostyq üiı bazasynda aşylǧan komiuniti ortalyq qalalyq ökıldıktıŋ jūmysyn jaqsartyp, jaŋa deŋgeige köteretını turaly atap öttı. 
Qazaqstan halqy Assambleiasy Töraǧasynyŋ orynbasary belsendı jastarmen ötken jüzdesude qazaqstandyq patriotizmdı damytu, memlekettık tıldı därıpteu baǧytynda atqarylǧan jūmystar turaly jas buynmen erkın formatta pıkır almasty. 
Jaŋa esımderdı qoǧamǧa tanystyru, ekologiialyq mädeniettı damytu, qorşaǧan ortaǧa qamqorlyq jasau qaǧidalaryn nasihattau maqsatynda äzırlengen «Jaŋa tolqyn» jobasy men «Taza Qazaqstan» aksiiasyna «Assambleia jastary» ūiymynyŋ tūraqty asalysuyn üilestıru, Qazaqstan halqy Assambleiasynyŋ 30 jyldyǧy aiasynda ūiymdastyrylǧan türlı ıs-şaralar men qolǧa alǧan jobalardy nätijelı ıske asyru jaiyna airyqşa toqtaldy.
– «Assambleia jastary» – jalpyūlttyq bıregeilıktı därıpteude aldyŋǧy sapta boluy tiıs. Assambleia el jastaryn qoǧamdyq kelısım men bırlık qūndylyqtary töŋıregıne şoǧyrlandyrudy jalǧastyrady. Bız qoǧamdyq kelısım men jalpyūlttyq bırlıktı bekemdeu jolynda jastarmen bırlese jūmys ısteuge, baǧyt-baǧdar beruge ärdaiym daiynbyz, – dedı Marat Almasūly. 
Kezdesudı qorytyndylaǧan QHA Töraǧasynyŋ orynbasary Marat Äzılhanov alda bırlese atqarar jūmys jaiyn pysyqtap, «Assambleia jastary» RQB Şymkent qalalyq ökıldıgınıŋ belsendılerı Nūrbolat Meiırbekov, Murodjan İrismetov, Şahnozabonu Janalieva, Asiia Manapova, İbrahim Vishanov syndy belsendılerıne Qazaqstan halqy Assambleiasynyŋ alǧys hatyn tabystady. Öz kezegınde ūiym müşesı Akram İrismetov dombyraman än salyp, jūrtşylyqtyŋ ystyq yqylasyna bölendı.
