Qazaqstannyŋ täuelsız el bolǧanyna biyl – 30 jyl. Azattyq aq taŋynyŋ arailap atuy, täuelsızdıgımızdıŋ tūǧyrly boluy, beibıt ömırdıŋ jalǧasuy – basymyzdyŋ baiandy baǧy. Osy bır teŋdessız syi sonau 1991 jyly dünie esıgın aşqan täuelsızdıktıŋ töl qūrdastarymen bırge qūndylyǧyn eş joǧaltqan emes. Sol kezeŋderde ömırge kelgender bügınde 30 jasqa toluda. Osyndai orda būzar şaqqa kelgenderdıŋ qatarynda Qarasai audandyq köpsalaly auruhana basşysynyŋ ūiymdastyru-ädıstemelık ısı boiynşa orynbasary Ruslan Kukkuzov ta bar. Egemendıktıŋ mereitoiy aiasynda jas därıger jaily äŋgıme örbıtsek deimız.
Qarapaiym otbasynan şyqqan Ruslan Erlanūly – osy äulette medisina jolyn quǧan jalǧyz özı. Raiymbek audany, Narynqol auylynyŋ tumasy ol – aǧasy Jasūlan men äpkesı Faridadan keiın düniege kelgen üidıŋ kenjesı. Äkesı Erlan men anasy Jūmagül – üi şaruasyndaǧy, auyldaǧy tynymsyz tırşılıkpen ainalysatyn adamdar. Ruslan bala kezınen naǧaşy aǧasy Nūrhalyqqa qatty jaqyn bolyp, qasynan bır elı qalmaǧan. Alǧaş mektep tabaldyryǧyn da osy naǧaşy aǧasy tūratyn auylda attaǧan. Būl Q.Şormanov atyndaǧy bılım ūiasy bolatyn. Mūnda oquşy Ruslan 8-şı synypqa deiın oqydy. Keiın anasynyŋ syrqattanǧanyn estıp, qasynda tabylu üşın tuǧan auylyna oralyp, qalǧan bılımın B.Soqpaqbaev atyndaǧy orta mektepte jalǧastyrdy. Osy jerden 2009 jyldyŋ tülegı atanyp, ŪBT-dan joǧary balldardyŋ bırın jinap, elımızge belgılı S.Asfendiiarov atyndaǧy Qazaq Ūlttyq medisina universitetıne grantqa oquǧa tüstı. Student Ruslan būl joǧary oqu ornynda 2009-2014 jyldary «jalpy medisina» mamandyǧy boiynşa bakalavrlyq bılım aldy. Al, 2014-2016 jyldary däl osy medisina universitetınde internaturany aiaqtap, «jalpy täjıribelık därıger» mamandyǧyn igerdı.
Ruslan Erlanūlynyŋ därıgerlık mamandyqty serık etuıne ömırındegı eleulı bır oqiǧa sebep bolǧan. Anyǧyn aitqanda, joǧaryda atap ötken naǧaşy aǧasy Nūrhalyqtyŋ auyr dertten 39 jasynda dünieden erte ötuımen bailanysty. Jastaiynan ülgı tūtqan aǧasynyŋ mezgılsız ajal qūşuy bala Ruslanǧa auyr tidı.
– Naǧaşy aǧam qazırgı taŋdaǧy medisinamen emdelgende, bälkım, tırı jürer me edı? Ol kısı auruymen arpalysqanda jaǧdai basqaşa boldy ǧoi. Menıŋ osy salada eŋbek etuıme osy oqiǧa sebep boluy da mümkın, – dep ötken şaqty bır eske aldy därıger Ruslan.Ruslan Kukkuzovtyŋ eŋbek joly universitettı aiaqtaǧan soŋ bastaldy. 2016 jyly Raiymbek audandyq auruhanasyna ornalasyp, mūnda terapiia bölımınde emdeuşı därıger mındetın bır jyl atqardy. Odan keiın 2017-2019 jyldary aralyǧynda jalpy täjıribelık därıger retınde medisina salasyndaǧy bılıktılıgın şyŋdai tüstı. Al 2019 jyly osy atalmyş auruhanada jauapty qyzmetke taǧaiyndalyp, bas därıgerdıŋ orynbasary boldy. Būl lauazymda 1 jyl 3 ai eŋbek etıp, özıne jüktelgen mındettı abyroimen atqara bıldı. Därıger Ruslannyŋ Qarasai audandyq köpsalaly auruhanasyndaǧy jūmysy byltyr, qyrküiek aiynda koronavirus ındetınıŋ örşıp tūrǧan şaǧynda bastaldy desek artyq aitqandyq emes. Alǧaşynda statist-därıger retınde qyzmet atqaryp, ekı aidan keiın bas därıgerdıŋ ūiymdastyru-ädıstemelık ısı boiynşa orynbasary lauazymyna taǧaiyndaldy. Qazırgı uaqytta osy jauapty mındettı abyroimen atqaryp keledı. Ärıptesterıne syily, jūmysyna jauapty Ruslan Erkınūly özınıŋ täuelsızdıktıŋ qūrdasy bolǧanyn maqtan etedı. Äŋgıme barysynda egemendı el boludyŋ qanşalyqty qasterlı, qasiettı ekenın bır auyz sözben jetkıze kettı.
– Täuelsız el bolu – asqan bailyq. Aibyny asqaq atamekenıŋ, ūlan-baitaq jerıŋ, memlekettık tılıŋ bolǧannan asqan baqyt joq şyǧar. Älemde qanşama ūlttar bar! Keibırınıŋ, tıptı, ortaq Otany joq. Olardyŋ qasynda bız äldeqaida alǧa ozǧan memleketterdıŋ qataryndamyz dep bılemın. Öitkenı, azat el bolyp, örkenietı qalyptasqan eldermen iyq tırestıre qatar damyp kelemız. Men öz elımdı maqtan etemın! – dep oiyn tüiındedı patriot Ruslan Kukkuzov.Jas därıgerdıŋ alǧa qoiǧan maqsat-mındetterı aiqyn. Onyŋ qazırgı bar oilaityny – ındettıŋ qūrsauynan halyqty aman alyp qalu. Osy jolda kün demei, tün demei tabandylyq tanytudan şarşaǧan emes. Qanşa degenmen densaulyqtyŋ saqşysy ǧoi. Tüsınemız. Adam ömırıne araşa bolyp jürgen azamatqa tek qana jaqsylyq tıleimız! "Täuelsızdıktıŋ töl qūrdasy bolyp, egemendı elmen ösıp-örkendei ber!" degımız keledı.
Didar MUHAMADİEV
Ūqsas jaŋalyqtar
