Qazaqstannyń táýelsiz el bolǵanyna bıyl – 30 jyl. Azattyq aq tańynyń araılap atýy, táýelsizdigimizdiń tuǵyrly bolýy, beıbit ómirdiń jalǵasýy – basymyzdyń baıandy baǵy. Osy bir teńdessiz syı sonaý 1991 jyly dúnıe esigin ashqan táýelsizdiktiń tól qurdastarymen birge qundylyǵyn esh joǵaltqan emes. Sol kezeńderde ómirge kelgender búginde 30 jasqa tolýda. Osyndaı orda buzar shaqqa kelgenderdiń qatarynda Qarasaı aýdandyq kópsalaly aýrýhana basshysynyń uıymdastyrý-ádistemelik isi boıynsha orynbasary Rýslan Kýkkýzov ta bar. Egemendiktiń mereıtoıy aıasynda jas dáriger jaıly áńgime órbitsek deımiz.
Qarapaıym otbasynan shyqqan Rýslan Erlanuly – osy áýlette medıına jolyn qýǵan jalǵyz ózi. Raıymbek aýdany, Narynqol aýylynyń týmasy ol – aǵasy Jasulan men ápkesi Farıdadan keıin dúnıege kelgen úıdiń kenjesi. Ákesi Erlan men anasy Jumagúl – úı sharýasyndaǵy, aýyldaǵy tynymsyz tirshilikpen aınalysatyn adamdar. Rýslan bala kezinen naǵashy aǵasy Nurhalyqqa qatty jaqyn bolyp, qasynan bir eli qalmaǵan. Alǵash mektep tabaldyryǵyn da osy naǵashy aǵasy turatyn aýylda attaǵan. Bul Q.Shormanov atyndaǵy bilim uıasy bolatyn. Munda oqýshy Rýslan 8-shi synypqa deıin oqydy. Keıin anasynyń syrqattanǵanyn estip, qasynda tabylý úshin týǵan aýylyna oralyp, qalǵan bilimin B.Soqpaqbaev atyndaǵy orta mektepte jalǵastyrdy. Osy jerden 2009 jyldyń túlegi atanyp, UBT-dan joǵary balldardyń birin jınap, elimizge belgili S.Asfendııarov atyndaǵy Qazaq Ulttyq medıına ýnıversıtetine grantqa oqýǵa tústi. Stýdent Rýslan bul joǵary oqý ornynda 2009-2014 jyldary «jalpy medıına» mamandyǵy boıynsha bakalavrlyq bilim aldy. Al, 2014-2016 jyldary dál osy medıına ýnıversıtetinde ınternatýrany aıaqtap, «jalpy tájirıbelik dáriger» mamandyǵyn ıgerdi.
Rýslan Erlanulynyń dárigerlik mamandyqty serik etýine ómirindegi eleýli bir oqıǵa sebep bolǵan. Anyǵyn aıtqanda, joǵaryda atap ótken naǵashy aǵasy Nurhalyqtyń aýyr dertten 39 jasynda dúnıeden erte ótýimen baılanysty. Jastaıynan úlgi tutqan aǵasynyń mezgilsiz ajal qushýy bala Rýslanǵa aýyr tıdi.
– Naǵashy aǵam qazirgi tańdaǵy medıınamen emdelgende, bálkim, tiri júrer me edi? Ol kisi aýrýymen arpalysqanda jaǵdaı basqasha boldy ǵoı. Meniń osy salada eńbek etýime osy oqıǵa sebep bolýy da múmkin, – dep ótken shaqty bir eske aldy dáriger Rýslan.
Rýslan Kýkkýzovtyń eńbek joly ýnıversıtetti aıaqtaǵan soń bastaldy. 2016 jyly Raıymbek aýdandyq aýrýhanasyna ornalasyp, munda terapııa bóliminde emdeýshi dáriger mindetin bir jyl atqardy. Odan keıin 2017-2019 jyldary aralyǵynda jalpy tájirıbelik dáriger retinde medıına salasyndaǵy biliktiligin shyńdaı tústi. Al 2019 jyly osy atalmysh aýrýhanada jaýapty qyzmetke taǵaıyndalyp, bas dárigerdiń orynbasary boldy. Bul laýazymda 1 jyl 3 aı eńbek etip, ózine júktelgen mindetti abyroımen atqara bildi. Dáriger Rýslannyń Qarasaı aýdandyq kópsalaly aýrýhanasyndaǵy jumysy byltyr, qyrkúıek aıynda koronavırýs indetiniń órship turǵan shaǵynda bastaldy desek artyq aıtqandyq emes. Alǵashynda statıst-dáriger retinde qyzmet atqaryp, eki aıdan keıin bas dárigerdiń uıymdastyrý-ádistemelik isi boıynsha orynbasary laýazymyna taǵaıyndaldy. Qazirgi ýaqytta osy jaýapty mindetti abyroımen atqaryp keledi.
Áriptesterine syıly, jumysyna jaýapty Rýslan Erkinuly óziniń táýelsizdiktiń qurdasy bolǵanyn maqtan etedi. Áńgime barysynda egemendi el bolýdyń qanshalyqty qasterli, qasıetti ekenin bir aýyz sózben jetkize ketti.
– Táýelsiz el bolý – asqan baılyq. Aıbyny asqaq atamekeniń, ulan-baıtaq jeriń, memlekettik tiliń bolǵannan asqan baqyt joq shyǵar. Álemde qanshama ulttar bar! Keıbiriniń, tipti, ortaq Otany joq. Olardyń qasynda biz áldeqaıda alǵa ozǵan memleketterdiń qataryndamyz dep bilemin. Óıtkeni, azat el bolyp, órkenıeti qalyptasqan eldermen ıyq tirestire qatar damyp kelemiz. Men óz elimdi maqtan etemin! – dep oıyn túıindedi patrıot Rýslan Kýkkýzov.
Jas dárigerdiń alǵa qoıǵan maqsat-mindetteri aıqyn. Onyń qazirgi bar oılaıtyny – indettiń qursaýynan halyqty aman alyp qalý. Osy jolda kún demeı, tún demeı tabandylyq tanytýdan sharshaǵan emes. Qansha degenmen densaýlyqtyń saqshysy ǵoı. Túsinemiz. Adam ómirine arasha bolyp júrgen azamatqa tek qana jaqsylyq tileımiz! "Táýelsizdiktiń tól qurdasy bolyp, egemendi elmen ósip-órkendeı ber!" degimiz keledi.
Dıdar MÝHAMADIEV
