Qyrkúıek aıynan bastap elimizdegi barlyq qyzdaryna papıloma vırýsyna qarsy ekpe egiledi. Bul týraly bas sanıtarlyq dáriger Aıjan Esmaǵambetova aıtty, dep habarlaıdy “Adyrna” ulttyq portaly.
«Bul vakına AQSh ta óndirilgen GlaxoSmithKline - belgııalyq vakına. Sapasy búkil álemde dáleldengen jáne júzden astam elde qoldanylyp júrgen tórt valentti Gardasıl-4 vakınasyn satyp alyp jatyrmyz», - dep jaýap berdi Aıjan Esmaǵambetova Májilis syrtynda.
Aıjan Esmaǵambetovanyń aıtýynsha, vakına mindetti túrde tirkelýi kerek, Gardasıl ǵana emes, kez kelgen vakınanyń árbir partııasy elge kirgizilerde únemi tekseriledi, qaýipsizdigi men sapasyn rastaıtyn barlyq qujattar qaralady. Ol sondaı-aq vakınalaýdan keıin azdaǵan reakııa bolýy múmkin ekenin atap ótti.
«Temperatýranyń joǵarylaýy, shamaly isiný az ýaqyt ishinde ótedi, sondyqtan, ádette, ınekııa ornynda isiný paıda bolsa da, bul mektepten bosatýǵa sebep emes», - dep naqtylady bas dáriger.
Málimetke súıensek, bul ekpe áıelder arasynda patologııalyq aýrýdy 90% -ǵa tómendetýge múmkindik beredi. Vakınalaý 6 aı aralyqpen 2 kezeńde júrgiziledi.
Densaýlyq saqtaý mınıstrliginiń málimetinshe, jatyr moınynyń qaterli isigin vakınalaý arqyly aldyn alýǵa bolady. Statıstıkaǵa súıensek, Qazaqstanda jyl saıyn jatyr moınynyń qaterli isiginen 2 myńǵa jýyq áıel tirkelip, 600-ge jýyq áıel kóz jumady. Sonymen qatar, áıelder arasynda jatyr moınynyń qaterli isigi sút bezi aýrýynan keıin ekinshi orynda tur.
