Ulttyq aza tutý kúni azamyzdy azaıta almasy anyq. Dese de «búginde medıına salasynyń, bir jyrtyǵy bolsa jamaıyn, qulap bara jatsa demeıin, kishkentaı shoq kórsem úrleıin» dep júrip, pandemııamen kúreste óz ómirlerin bergen dárigerlerdiń eńbegin eskerýsiz qaldyrsaq, júregimizdiń tas temirge aınalǵanynyń belgisi bolar edi. Biz óıtpeımiz.
Meıli, qaı eldiń, qaı jerdiń dárigeri bolsyn biz úshin qashan da joǵary turatyny anyq. Dese de eshbir medıına qyzmetkeri jetisip júrgen joq.
Máselen, Italııalyq dárigerler «Bizdiń ár kúnimiz - soǵys» dese, Qytaılyq dárigerlerdiń koronavırýstan terisi tutastaı qaraıyp ketip jatqan kórinedi. Reseıde ózge memleketterge qaraǵanda qaıtys bolǵan medıınalyq qyzmetkerlerdiń sany 16 ese kóp eken. Al Qazaqstandyq indetke shaldyqqan aq halattylardyń sany 5000-ǵa jetip qalypty. Ótken aptadaǵy derek boıynsha, bir ǵana Túrkistan oblysy boıynsha naqty test tapsyryp, koronavırýs juqtyrǵan 132 medıına qyzmetkeri anyqtalǵan. 492 dárigerge pnevmonııa dıagnozy qoıylǵan. Aqtóbe oblysy boıynsha 100 dáriger koronavırýsqa shaldyqqan. Bul eki oblystyń ǵana statıstıkasy. Ókinishke qaraı, ózge óńirler de budan kem túspesi anyq. Osylardyń ishinen óz ómirinen naýqastyń ómirin joǵary qoıyp júrip, jaryq dúnıemen qoshtasyp kete barǵan dárigerler sany da az emes. Alaıda Densaýlyq saqtaý mınıstrligi dúnıeden ozǵan dárigerlerdiń tolyq aty-jónin jarııalamaı otyr.
Dese de kórinbeıtin jaýmen kúresip, aldyńǵy shepte júrip, erlikpen qaza tapqan dárigerlerdiń ázirge bir qatarynyń ǵana esim-soıyn nazarlaryńyzǵa usyna alamyz.
- Qaırat Baımuhanbetov
- Ádiljan Hamzın
- Isaev Oleg Nıkolaevıch
- Qalıhan Qozybaǵarov
- Kenbaeva Roza Keńesovna
- Abdıkýlova Marııam Qabylbekovna
- Balandın Evgenıı Ivanovıch
- Bralov Haırýlla Býrhanovıch
- Móldir Ǵazızqyzy
- Jánibek Jýmashovıch
- Hasym Mamaev
- Baýyrjan Kúrekbaev
- Aıbek Ibragımov
- Lázzat Salyqbaeva
- Sapar Týlepov
- Akzıpa Tajdenova
- Lıýbov Vladımırovna
- Baımahambet Tajıdın
- Navrýz Mannapov
- Mýhabbat Rızaeva
- Ian Rýdolf Mıhaılovıch
Aty atalǵan medıına qyzmetkerleri eki jaqty pnevmonııa dıagnozymen qaıtys bolǵan. Olardyń kóbi hırýrg, pedıatr, gınekolog, ýltradybysty zertteý bóliminiń dárigerleri eken.
Solardyń ishinde "QR densaýlyq saqtaý isiniń úzdigi" atanǵan, bar ǵumyryn halyq densaýlyǵyn saqtaýǵa arnaǵan, eńbekke qabiletti, minezi kórkem, aqkóńil, jaıdarly Qarasaılyq dáriger Kenbaeva Roza Keńesovnanyń, halyq «Qudaıdyń bizge bergen dárigeri» dep ataıtyn ýrolog, hırýrg, ǵalym, pedagog Ádiljan Hamzınniń, Aqtóbe oblystyq ınfekııalyq aýrýhanasynyń bas dárigeri Qalıhan Qozybaǵarovtyń, Almaty oblysynyń bas memlekettik sanıtarlyq dárigeri 56 jastaǵy Qaırat Baımuhambetovtiń esimderi bizge málim.
Máselen, 36 jyldyq dárigerlik salada eńbek ótili bar Qalıhan Qozybaǵarov Aqtóbe «Oblystyq klınıkalyq juqpaly aýrýlar aýrýhanasy» ShJQ MKK bas dárigeri qyzmetin erlikpen atqardy.
Naýqastardyń aıtýynsha, Qalıhan Qozybaǵarov bas dáriger bolǵanyna qaramastan, kúnbe-kún barlyq palatany aralap, emdelýshilerdiń hálin surap, kóńil-kúılerin kóterýge tyrysyp baqqan kórinedi. Tipten Qalıhan Qozybaǵarov indet bastalǵaly beri úı kórmeı, eńbek demalysynan bas tartyp qyzmet etken.
Sondaı-aq, koronavırýstyq ınfekııamen kúresýdiń alǵashqy kúnderinen bastap Isaev Oleg Nıkolaevıch óziniń kásibı mindetin adal atqarǵan. Oleg Nıkolaevıch úıinen ketip, erkin túrde aýrýhanaǵa kelip, jumys ornynda 12 saǵattan astam turyp, paıentterdiń ómirin saqtap qaldy. «Koronavırýsqa shaldyqqan adamdarǵa kómektesemin, Gıppokratqa bergen antyma adal bolýym kerek» dep júrip, denesiniń qorǵanysh qasıetteriniń tómendeýine áser etken úlken psıhologııalyq kúızeliske ushyrady. Nátıjesinde qyzmet barysynda jaryq dúnıemen qoshtasyp kete bardy.
Marqum bolǵan qos dárigerdiń atyna QR prezıdenti Q. Toqaevtyń 13 shildedegi qaýlysy boıynsha Qazaqstan Respýblıkasyna sińirgen asa úzdik eńbegi, qyzmettik boryshyn atqarý ústinde kórsetken janqııarlyǵy úshin joǵary dárejeli erekshelik belgisi – «Qazaqstannyń Eńbek Eri» ataǵy berilip, aıryqsha erekshelik belgisi – Altyn juldyz ben «Otan» ordeni tapsyryldy.
Osy oraıda «ózderiniń ómirin báske tigip júrgen dárigerlerge memleket qandaı kómek berýde?» degen zańdy suraq týatyny sózsiz.
Densaýlyq saqtaý basqarmasynyń málimdeýinshe, aq halattylarǵa materıaldyq ústemaqy retinde naýryz-maýsym aılaryna 17 368 qyzmetkerge úsh sanat boıynsha barlyǵy 2 867,1 mln. teńge berilgen eken. Al bul bir dárigerge orta eseppen 165 000 teńge degen sóz. Al indet kúsheıgen maýsym aıynan bastap she? Olarǵa motıvaııa retinde qanshalyqty syı-aqy tartý etilýde? Álde jaýyrdy jaba toqı salamyz ba? Bul suraqqa joǵarydaǵylar jaýap bere jatar. Biz tek indetpen kúreste janyn salyp júrgen dárigerlerge mardymdy jalaqy tóleýlerin talap ete alamyz.
Sonymen, buryndary Alashtyń bes dárigeri sanatyna Halel Dosmuhamedov, Baqtyǵalı Bısenov, Aqqaǵaz Dosjanova, Asylbek Seıitov, Ámire Aıtbaqyny jatqyzýshy edik, endi tutas qazaq eliniń jan saqtaý salasynyń úzdikteri retinde, indetpen kúresip, erlikpen qaza tapqan dárigerlerdi aıta alamyz. Búgingi kúnniń juldyzdary qyzyldy-jasyldy, jyltyraqqa qumar ánshi emes, basqa emes, dárigerler bolmaq!
Indettiń qurbany bolǵan aq halattylardyń arýaǵy rıza bolsyn, rýhy jasaı bersin! Qazaqtyń sýdaı aqqan aqqan qan men jasy osymen toqtasyn..
Aqgúl AIDARBEKOVA,
«Adyrna» ulttyq portaly
