Qytaıdyń Shyńjan-Uıǵyr avtonomdy aýdanynan 10 dáriger Qazaqstan astanasyna keldi. Bul týraly "QazAqparat" habarlady.
Delegaııany QR Densaýlyq saqtaý vıe-mınıstri Kamaljan Nadyrov kútip aldy.
Búgin qytaılyq áriptesterimizdi qarsy aldyq. Bul kezdesý eki el basshylarynyń ýaǵdalastyǵy aıasynda ótýde. Biz úshin bul kezdesý sózsiz mańyzdy, sebebi Qytaıdyń epıdemıologııa máselelerindegi emdeý tájirıbesi men zertteýleri mańyzdy bolyp otyr. Qytaıdan 10 dáriger arnaıy keldi, olardyń arasynda pýlmonolog, epıdemıolog mamandar, qoǵamdyq densaýlyq saqtaý sarapshylary bar. 15 kúndik issaparda olar koronavırýs ınfekııasyn juqtyrǵandardy dıagnostıkalaý, emdeý jáne qoǵamdyq densaýlyq saqtaý máselelerin talqylaıdy, - dedi vıe-mınıstr tilshilerge bergen suhbatynda.
Baǵdarlama aıasynda qytaılyq dárigerler Nur-Sultan, Qaraǵandy, Almaty qalalaryna barady.
Bizde bul syrqattan jazylyp, aýrýhanadan shyqqan turǵyndar bar. Sonymen birge, aýyr halde jatqan azamattarymyz da bar. Birqatary ókpeni jasandy jeldetý apparattarynda jatyr. Sondyqtan, áriptesterimizben talqylaıtyn másele kóp. Bizde bul aýrýdy dıagnostıkalaý men emdeýdiń klınıkalyq hattamasy bekitilgen. Bul hattama úzdik halyqaralyq tájirıbelerge saı keledi. Áriptesterimizdiń de tájirıbesin zerttep, ózimizge paıdaly derek alarymyzǵa senimdimin, - dedi K. Nadyrov.
Sonymen birge, Qazaqstandaǵy QHR elshisi Chjan Sıao dárigerlerdiń tájirıbeli, joǵary bilikti maman ekenin atap ótti.
Qazaqstanda pandemııaǵa qatysty kúrdeli jaǵdaı oryn aldy. Ókinishke qaraı, vırýs juqtyrǵandardyń sany artyp keledi. Qytaıdyń Shyńjan-Uıǵyr avtonomdy aýdanynan kelgen dárigerler de osy indetpen kúresip, kóptegen naýqastardy emdep jazǵan. Bul aýrýdyń soqqysy alǵash ret Qytaıǵa tıdi. Búginge deıin vırýspen kúresý boıynsha birqatar tájirıbe jınaqtadyq. Áli kúnge deıin bul vırýs - biz úshin jańa, ol týraly bilerimiz az. Biraq, qazaqstandyq dostarǵa da aıtarymyz bar. Koronavırýspen kúres boıynsha tájirıbe bólisýge daıynbyz, - dedi elshi.
Qazaqstanǵa arnaıy kelgen dárigerlerdiń aıtýynsha, Qytaı koronavırýspen úsh aı kúresti.
Biz Qazaqstanǵa tas-túıin daıyndyqpen keldik. Bizdiń maqsatymyz - ınfekııamen qalaı kúreskenimizdi kórsetý. Barlyǵymyzdyń tájirıbemiz bar, Shyńjanda koronavırýspen kúreskenbiz. Bizdiń ekijaqty yntymaqtastyǵymyz nyǵaıa túsedi dep oılaımyn, - dedi shyńjandyq dáriger Lý Chjen.
