Ört söndıruşı-qūtqaruşy – älemdegı eŋ qauıptı mamandyqtardyŋ bırı, ärı naǧyz er azamattarǧa tän. Būl mamandyq – jürektılık pen batyldyqty talap etedı. Ärdaiym adamdardy jäne olardyŋ materialdyq qūndylyqtaryn aman alyp qalu üşın aianbai eŋbek etıp jürgen batyl jandar qandai qūrmetke de laiyq. Osy salada jas bolsa da özın jaqsy qyrynan körsete bılgen, belsendı, eŋ bastysy antyna adal jas mamandardyŋ bırı – Beksūltan İbadulla.
Beksūltan Miiatūly – adamdardyŋ ömırı men olardyŋ materialdyq qūndylyqtaryn tılsız jaudan araşa etudı bala kezınen arman etken azamattyq qorǧau aǧa leitenanty.
İnstitut qabyrǧasynda ol özınıŋ belsendılıgın tanytyp, türlı baiqaularǧa qatysyp, instituttyŋ namysyn qorǧady. Özınıŋ mamandyǧyna degen zor yqalasynyŋ arqasynda atalǧan oqu ornyn tämamdap, alǧaşqy şenın aldy.
Beksūltan Miiatūly 2019 jyly Arys qalasynda oryn alǧan tötenşe jaǧdai kezınde basqa da ört söndırşı-qūtqaruşylarmen bırge kömekke attandy. Oqiǧa ornynda eŋ basty mındetı – adamdardyŋ ömırın qūtqaru üşın qauıpsız aimaqqa köşıru jūmystaryn belsendı jürgızdı. Anaǧa da, balaǧa da, qart pen jasqa da öz kömegın aiamai, basqa da ört söndıruşılermen bırge qyzmet ettı. Özınıŋ antyna adal, qyzmettık mındetın būljytpai oryndaityndyǧyn osylaişa däleldei bıldı. Osy üşın de Beksūltan Miiatūly QR Prezidentınıŋ Jarlyǧymen «Erlıgı üşın» memlekettık medalımen marapattaldy.
Şymkent qalasy äkımdıgınıŋ baspasöz qyzmetı
