Qosşy auylyn oblystyq maŋyzy bar qala sanatyna jatqyzu turaly Prezident jarlyǧynyŋ jobasy qoǧamdyq talqylauǧa ūsynyldy, dep habarlaidy "Adyrna" ūlttyq portaly.
Eger jarlyqqa Memleket basşysy qol qoisa, Aqmola oblysy, Selinograd audany, Qosşy auyly resmi türde oblystyq maŋyzy bar qala sanatyna jatqyzylady.
Jarlyq jobasyna jasalǧan tüsındırme jazbada Qosşynyŋ qazırgı jaǧdaiy men damu perspektivalary onyŋ märtebesın köteru qajettılıgın körsetetındıgı atalǧan. Auylǧa qala märtebesın beru - jyljymaityn mülıktıŋ ötımdılıgın, käsıpkerler men tūrǧyndardyŋ biznestı qūru men damytu üşın nesielık resurstarǧa qol jetımdılıgın arttyrady.
Qoǧamdyq talqylau 13 mamyrǧa deiın jalǧasady. Jarlyq jobasyn myna jerde talqylauǧa bolady.
2018 jyly oblystyŋ būrynǧy äkımı Malik Murzalin:
"Elordaǧa qosyludan Qosşydaǧy ömır jaqsarmaidy. Eger bız bügın Astanaǧa Qosşyny qossaq, erteŋ Qoiandy, Talapker, Qaraötkeldıŋ tūrǧyndary da sol sūraqty qoiady, bızdı de astanaǧa berıŋızder deidı. Būl logikalyq tızbektı jalǧastyra sızder bükıl eldı bır astanaǧa bırıktırudı qalaisyzdar ma? Ol - mümkın emes!", dedı.2020 jyly oblystyŋ qazırgı äkımı Ermek Marjyqpaev Qosşy auyl retınde būdan bylai bola almaidy, eldı meken oblystyq maŋyzy bar qalaǧa ainaluy mümkın dedı. Nūr-Sūltan qalasynyŋ äkımı Altai Kölgınov Qosşyny qalaǧa qosu josparlary joq ekenın habarlady. Qosşy auyly - Selinograd audanynyŋ aumaǧynda ornalasqan eldı meken. Jalpy audany 2413 gektardy qūraidy. Resmi tūrǧyny - 50 600 adam. Qosşy auyly - astananyŋ oŋtüstık batysynda ornalasqan aimaqtaǧy eŋ ırı eldı mekenderdıŋ bırı.
"Adyrna" ūlttyq portaly
Ūqsas jaŋalyqtar
