Nūr-Sūltan qalasynda karantindık şekteu şaralaryn kezeŋ-kezeŋımen jeŋıldetu boiynşa elordanyŋ Bas sanitarlyq därıgerı qaulyǧa özgerıster engızdı dep habarlaidy "Adyrna" Ūlttyq portaly.
Qaulyda körsetılgendei, elordadadaǧy epidemiologiialyq jaǧdaidyŋ tūraqtaluyna bailanysty, karantin şaralary jeŋıldetıldı. Qaladaǧy oiyn-sauyq ortalyqtary, sauda üilerı jūmys künderı saǧat 10:00-den 23:00-ge deiın jūmys jasauyna rūqsat etıldı.
Alaida demalys jäne mereke künderdegı jūmysqa tyiym salu talaby özgerıssız qaldy.
Sonymen qatar, qoǧamdyq tamaqtanu oryndarynyŋ jūmysyna da özgerıster engızıldı. Qoǧamdyq tamaqtanu obektılerı (meiramhana, dämhana, bar, ashana), onyŋ ışınde SOSO-da ornalasqan oryndar (jeke ǧimarat) demalys jäne mereke künderı saǧat 9:00-den 00:00-ge deiın jūmys jasauyna rūqsat etıldı. Bıraq būl jerlerde toi, adam köp jinalatyn şaralar ötkızuge tyiym özgermegen.
18 qyrküiekte jariialanǧan qūjatqa säikes, qaladaǧy «Ailand» otbasylyq demalys ortalyǧyna, «Djungli» jäne Okeanariuma, «Han Şatyrdaǧy» jaǧajai klubtarynyŋ sanitarlyq talaptardy qataŋ saqtai otyryp jūmys ısteuıne rūqsat etıldı.
Endıgı kezde qoǧamdyq kölıkter jūmys jäne demalys künderı saǧat 6:00-dan 23:00-ke deiın jüre bastaidy.
Qūjattyŋ tolyq mätının myna sılteme arqyly köruge bolady.
Suret astana.gov.kz saitynan
Ūqsas jaŋalyqtar
