Aldymen osy jazbam arqyly barlyq qoldaýshyma raqmet aıtqym keledi.
Ózimniń konstıtýııalyq quqyǵymdy paıdalanyp, bilim men tájirıbeme súıenip ákim bolýǵa bel býyp edim. Taǵaıyndaıtyn oblys ákimi nemese klandarǵa emes, halqyma senip osy básekege birinshi bolyp tirkelip, birinshi bolyp dodany bastadym. Birinshi bop baǵdarlamany ázirledim. Birinshi bolyp halyqpen kezdesýdi bastadym. Birinshi bolyp halyqtyń yqylasyna bólendim. Asyra maqtaný emes, aýdan halqy ózi bilip otyr.
Saılaý bastalǵan 3 kún ishinde offlaın men onlaın 2 myńǵa jýyq elektoratqa jol taptym. Aýdanda 7 myń ǵana saılaýshy. Saılaý bitkenge deıin áli 22 kún bar edi. Vatsap jelisi arqyly aýdan jastary "Máke, che tam" degen qoldaý toby quryldy. Qyzmette istese de, jekeme shyǵyp sáttilik tilegenderi kóp boldy.
Jeke paraqshama shyqqandary az emes.
Degenmen tosqaýyldar basynan baıqaldy. Mysalǵa saılaý komıssııasynyń tóraǵasy (minezsiz, bilimi taıaz!) janama kedergilerdi jasaýmen boldy. Osy salada birshama basshylyq jasasa da kandıdatqa qajetti aqparatty bere almady. Derbes aqparat taratýshy saıttarynda saılaýǵa qajetti aqparattar salynbaǵan nemese kesh salyp otyrdy. Maǵan zań buzýshylyq týraly 12-kúni shyǵarylǵan hattamany tek 13 kúni tabystady. Al zań boıynsha komıssııa sheshimine aryzdanýǵa tek 3 kún beriletin. Zań buzý faktisi joq hattamany men der kezinde sotqa joldadym. Al sot proesinde ol tolyqqandy jaýap bere almaı, árdaıym qaǵazǵa únilýmen boldy.
Jalpy komıssııada táýelsiz áreket etý joq jáne kásibılik jetispeıdi. Burmalaý faktileri kóp. Maǵan kórsetken bıýrokratııa men zańsyz áreketteri birinshi emes dep oılaımyn. Osyǵan deıin zańsyzdyqtyń birnesheýi jasalǵanyna esh kúmánim joq. Bolashaqta osy salaǵa túbegeıli reforma jasaý qajet.
Sotqa qatysty. Jalpy el boıynsha bul pılottyq jobany biz sııaqty táýelsiz, óz betinshe sheshim qabyldaı alatyn bilimdi azamattardy qatystyrmaı ótkizý tapsyrylǵan dep túıdim. Mysalǵa meniń qujatym boıynsha eshqandaı zań buzýshylyq bolǵan joq. Meniń talap aryzym boıynsha sot 3 saǵatqa sozyldy. Men óz tarapymnan zań buzýshylyq bolmaǵanyn senimdi túrde jetkizdim. Al jaýapker naqty suraqtarǵa jaýap bere almady. Prokýror da, sot ta sheshimdi uzaq qabyldady. Birneshe ret syrtqa shyǵýmen boldy. Prokýror vıdeoǵa túsirýge qarsylyq bildirdi. Tipti keıin áleýmettik jelige sot otyrysyndaǵy málimetterdi jarııalamaýdy surady. Bul óz kezeginde qoǵamdyq tolqýlarǵa alyp keledi dedi. Sottyń sheshimi qolyma tıgende bólek jarııalaımyn.
Túıgenim, bul saılaýdyń joǵarydaǵy senarıımen ótetinine tolyq kózim jetti. Barlyq jerde Prezıdent ákimshiligimen kelisilgen tizimdegi adamdar ótedi. Qazirgi tańda barlyq jerde saılaýdyń legıtımdi ótýi úshin negizgi kandıdatpen birge 1-2 kloýn kandıdattar bolady. Sol sebepten eger siz daýys berýge barsańyz ýaqytyńyzdyń bos ótkeni dep qabyldańyz. Odan da ózińizge paıdaly basqa dúnıege baǵyttańyz.
Endi saılaý kelesi shemada ótedi. Qazirgi tańda barlyq myqty kandıdattar alynyp tastalǵan soń negizgi kandıdat pen kloýndar eldi aralaıdy. Halyqty aldap, al saılaý ýcheskilerindegi adamdar memlekettik bıýdjetten ótirik saılaý ótkizgenderi úshin jalaqy alady. Jalaqy úshin aryn satady. Túsinem. Tirshilik. Kandıdattar halyqty aldaıdy, al halyq ózin aldap, eski Qazaqstan jalǵasa beredi.
Ózim osy saılaýdan eshteńe joǵaltpadym. Eldegi ádiletsizdikti, nadandar men aqsha úshin aryn satatyndardy óz kózimmen taǵy bir márte kórdim. Saılaý júıesin reformalaý qajettigin kórdim. Bilimsiz, minezi joq, ýaqyt ótkizip júrgenderdi kórdim. Tómende progrestiń tómen ekenin kórdim. Jemqorlyqtyń órshigenin kórdim. Al janyp turǵan qyzmettegi jastardy kórmedim. Óıtkeni olardy sóndirip otyrady. Ortalyqsyzdandyrýdy kórmedim, tıisinshe vertıkaldy bıliktiń kúshin kórdim.
Bul saılaýdyń tek bastamasy. Biraq basy ádiletti bolmady. Bári jasandy, zańsyz ótti. Sondyqtan sanaly adam óz tańdaýyn jasap, bul saılaýǵa barmaıdy degen úmittemin.
Tańdaý sizdiki, degenmen ádiletti Qazaqstandy tańdaý úshin bul saılaýǵa boıkot jarııalaımyn!..
