"Elimizdiń soltústik óńirlerindegi aýa raıynyń qolaısyzdyǵy men jaısyz jaǵdaılarǵa baılanysty Prezıdent Qasym-Jomart Toqaev Úkimetke astyq óndiretin fermerler men sharýa qojalyqtaryna qarjylaı jáne ózge de qajetti kómek kórsetýdi tapsyrdy", delingen Aqordanyń baspasóz qyzmeti taratqan habarlamada.
Eske sala keteıik, Qazaqstannyń soltústik oblystarynda aýa raıy salqyndap, jańbyr men úsik saldarynan astyqtyń sapasy tómendeýi múmkin ekendigi habarlanǵan edi.
Qazaqstannyń negizgi astyq egetin óńirleri – Qostanaı, Pavlodar, Soltústik Qazaqstan, Aqmola oblystarynda ekendigi belgili. Ataýly óńirlerde sońǵy eki apta boıy jaýyn-shashyn tolastamaı tur. Qazgıdromet munyń da aldaǵy kúnderde de jalǵasatyn aıtady. Naqtyraq aıtqanda, jaýyn-shashyn 17 qyrkúıekke deıin jalǵasyp, aıaz túsedi, sonyń saldarynan soltústik óńirlerde jańa dánniń ónip ketýi jáne ylǵaldyń joǵarylyǵynan sapasynyń tómen bolý qaýpi bar.
"Adyrna" ulttyq portaly
