QR Prezidentı Qasym-Jomart Toqaev elımızdegı agroşaruaşylyqtardyŋ jaǧdaiyna köŋıl audardy. Ükımetke astyq öndıretın fermerler men şarua qojalyqtaryna, diqandarǧa qarjylai jäne özge de qajettı kömek körsetudı tapsyrdy, dep habarlaidy "Adyrna" ūlttyq portaly.
"Elımızdıŋ soltüstık öŋırlerındegı aua raiynyŋ qolaisyzdyǧy men jaisyz jaǧdailarǧa bailanysty Prezident Qasym-Jomart Toqaev Ükımetke astyq öndıretın fermerler men şarua qojalyqtaryna qarjylai jäne özge de qajettı kömek körsetudı tapsyrdy", delıngen Aqordanyŋ baspasöz qyzmetı taratqan habarlamada.Eske sala keteiık, Qazaqstannyŋ soltüstık oblystarynda aua raiy salqyndap, jaŋbyr men üsık saldarynan astyqtyŋ sapasy tömendeuı mümkın ekendıgı habarlanǧan edı. Qazaqstannyŋ negızgı astyq egetın öŋırlerı – Qostanai, Pavlodar, Soltüstık Qazaqstan, Aqmola oblystarynda ekendıgı belgılı. Atauly öŋırlerde soŋǧy ekı apta boiy jauyn-şaşyn tolastamai tūr. Qazgidromet mūnyŋ da aldaǧy künderde de jalǧasatyn aitady. Naqtyraq aitqanda, jauyn-şaşyn 17 qyrküiekke deiın jalǧasyp, aiaz tüsedı, sonyŋ saldarynan soltüstık öŋırlerde jaŋa dännıŋ önıp ketuı jäne ylǧaldyŋ joǧarylyǧynan sapasynyŋ tömen bolu qaupı bar.
"Adyrna" ūlttyq portaly
Ūqsas jaŋalyqtar
