Qarasai audanynyŋ poliseilerı karantinge qaramastan öz jūmysyn jalǧastyrǧan kafelerdı anyqtady. Būl turaly polisiia departamentınıŋ baspasöz qyzmetı habarlady.
Elımızde koronavirus ındetınıŋ örşuıne bailanysty Qarasai audany polisiia qyzmetkerlerı men äkımdık ökılderınen qūrylǧan mobildı top audan aumaǧynda ornalasqan qoǧamdyq tamaqtanu oryndarynyŋ, dämhana men meiramhanalardyŋ sanitarlyq-karantindık tärtıptıŋ belgılengen normalaryn saqtauy boiynşa tekseru jūmystaryn jürgızude.
Poliseiler jürgızgen kezektı reidtık ıs-şara barysynda Qaskeleŋ qalasynda ornalasqan 3 dämhana (kafe) anyqtaldy. Olar karantin talaptaryn saqtamai, öz jūmysyn qalypty rejimde jalǧastyrǧan. Sonymen qatar olardyŋ keluşılerdı kırgızu barysynda dene qyzuyn ölşeu jūmysyn jürgızbegendıgı belgılı boldy.
Anyqtalǧan derekterge qatysty materialdar jinaqtalyp, şara qabyldau üşın Qarasai audany boiynşa sanitariialyq-epidemiologiialyq baqylau basqarmasyna joldandy.
Osyǧan orai, Qarasai audanynyŋ polisiia qyzmetkerlerı tūrǧyndardan qūqyq qorǧau organdarynyŋ ıs-äreketterıne tüsınıstıkpen qarauǧa jäne saqtyq şaralaryn ūstanuǧa şaqyrady.
Ūqsas jaŋalyqtar
