Qazaqstanda ūlttyq panteondy keŋeitu josparda joq. Būl turaly Esıl audany äkımdıgınıŋ baspasöz qyzmetı mälımdedı, dep habarlaidy “Adyrna” ūlttyq portaly Vlast.kz saityna sıltep.
«2025 jylǧa arnalǧan biudjet jobasynda panteondy keŋeituge qarajat qarastyrylmaǧan. Qazırgı uaqytta panteonǧa jerleu jūmystary jürgızılude», - dep habarlady Esıl audany äkımdıgınıŋ baspasöz qyzmetı.
Ötken jyly panteonnyŋ atyn özgertuge bolatyny turaly äŋgıme bolǧanymen, äkımdık mūndai sūraq qazır tuyndamaidy dep jauap berdı.
Bırınşı kezeŋnıŋ bırınşı ıske qosu keşenı salyndy, onyŋ aiasynda Qabanbai batyr kesenesıne kürdelı jöndeu jūmystary jürgızılıp, qūlpytastardy ornatu arqyly oǧan jaqyn aumaqtar men qoldanystaǧy jerleu oryndaryn abattandyru jūmystary jürgızıldı. Jobanyŋ qūny 850,3 million teŋgenı qūraidy. Sonymen qatar, eskertkışter demeuşılık qarajat esebınen jasalǧan.
Qazır panteonda 25 oryn bar, degenmen äkımdık qajet bolǧan jaǧdaida panteondy keŋeitpei-aq oryndardyŋ sanyn 40-qa deiın arttyruǧa bolady dep sendırdı.
