«Jıgıtke jetı öner de az» degen qazaq atamyz. Käsıbi fotograf bolumen qatar bügınde qolönerlıktı de bırge alyp jürgen Jeŋıs Ysqabaidyŋ eŋbegıne süisınbeu mümkın emes. Onyŋ qolynan şyqqan būiymdar kımdı bolmasyn özıne bauratpai qoimaidy. Taldyqorǧandyq azamat qazır könenıŋ közıne ainalǧan han tösek, sandyq syndy qazaq halqynyŋ ūlttyq būiymdaryn jaŋǧyrtyp, olardy zamanaui naqyşqa keltırıp, ülken ıs atqaruda.
– Maǧan būl öner atamnan darydy desem qatelespeimın. Ol kısı öte şeber bolǧan, qolynan kelmeitını joq. Qaiystan qamşy örıp, er şauyp, aǧaştan tūrmysqa qajettı būiymdardy öz qolymen jasaityn. Äkem de qol önerden kende bolmady. Ol aǧaş öŋdeudıŋ şeberı edı. Sol kısılerdıŋ jasaǧan būiymdary kışkentaiymnan sanama äbden sıŋıp, esımde qalyp qoiǧan. Sodan osy önerge qyzyǧuşylyǧym arta bastady, - dedı keiıpkerımız.Negızı, är adam öz jūmysyna süiıspenşılıkpen qarauy kerek. Sonda ǧana onyŋ jasaǧan ısı jaqsy nätijesın beredı. Sözımızge dälel bolsyn Jeŋıs Ysqabai sondai jandardyŋ bırı. Ol osy qol önerge bar uaqytyn, yqylasyn, mahabbatyn arnaǧan adam.
- Bılmeimın, aǧaşpen jūmys jasaǧan kezde erekşe läzzat alamyn. Ony jonyp, kesken kezde şyǧatyn iısınıŋ özı menı rahatqa böleidı. Ärine, jūmys barsynda şarşaisyŋ, qolyŋdy kesesıŋ, bıraq, soŋynda nätijesın körgende özıme köŋılım tolady. Bır marqaiyp qalamyn, — deidı ol.Bügınde Jeŋıstıŋ bala kezdegı äuesqoilyǧy käsıpke ainalyp jatqan jaiy bar. Onyŋ qolynan şyqqan būiymdarǧa aqyryndap eldıŋ sūranysy artyp keledı. Mäselen, qol öner şeberı osy uaqytqa deiın han tösektıŋ on danasyn jasap ülgerıptı. Alǧaşynda būl būiymdy mūrajaidan jädıger retınde körgen ol, köne tösektı aǧaştan özı jasap körmekke bel buǧan.
- Bız jūmystan kelgende ekı aiaqty köterıp qoiyp jatqandy jaqsy köremız ǧoi. Körıp tūrǧandaryŋyzdai būl tösektıŋ ekı jaǧy qaiqy kelgendıkten, tynyǧyp aluǧa öte yŋǧaily. Eger onyŋ üstıne jata qalsaŋyz şarşaǧanyŋyz bırden sap tyiylady. Densaulyqqa da öte paidaly, — deidı J.Ysqabai.Jeŋıs Jūmalyūly jasaǧan tösekterınıŋ bırneşeuın jaqyn aralasatyn dostaryna märttık tanytyp, syiǧa tartyp jıberıptı. Qalǧanyn qaltaly azamattar satyp alǧan. Aita keteiık, köp uaqyt jūmsalyp, asa yjdahattylyqpen jasalǧan zattyŋ qūny da joǧary. Şeberdıŋ sözınşe, han tösektıŋ qymbattyǧyna qaramastan adamdar tapsyrys beredı eken. Qolynan bal tamǧan azamat sandyqtyŋ da bırneşe türın jasap jür. Olardyŋ atauy da kölemıne qarai är türlı keledı. «Şynar», «Tūmar», «Qarlyǧaş» syndy sandyqtary qaraǧan közdıŋ jauyn alady. Sondai-aq, keiıpkerımız balalarǧa arnalǧan är türlı oiynşyqtardy oidan qūrastyryp şyǧarǧanyn atap ötkenımız jön. Onyŋ da bırneşe türı bar. Mäselen, «Jorǧataiy» — jylqy keipındegı terbelmelı oiynşyq. Üstınde bala otyruǧa yŋǧaily oryndyǧy bar. Al, «Kua-Kuasynyŋ» atqaratyn funksiiasy tıpten bölek. Ol özı ätkenşek, kerı ainaldyrsaŋ köpır. Kerek deseŋız üide balamen şaǧyn futbol oinasaŋyz qaqpa da bolyp bere alady. Qol öner şeberı mūny alǧaşynda internetten körıp, keiın dizainyn jetıldıre tüsken eken.
- Moiyndau kerek, qazır kışkentailarymyz syrttan kelgen sapasy naşar oiynşyqtarmen oinap jür. Onyŋ bala densaulyǧyna tigızer ziiany da joq emes. Qarap otyryp, bır künı būl oiynşyqtardy men de jasai alamyn ǧoi degen oi keldı, — deidı ol.Jeŋıs Ysqabai qazırgı taŋda bır ǧimaratty jalǧa alyp, käsıbın döŋgeletıp otyr. Aldaǧy uaqytta Almaty qalasynan ülken şeberhana aşu josparynda bar.
Ūqsas jaŋalyqtar
