Kıeli Túrkistan qalasynda aýmaǵy 5 myń sharshy metr bolatyn, 5 myńnan astam jamaǵat bir mezgilde qulshylyq ete alatyn meshit salynyp jatyr,dep habarlaıdy "Adyrna" ulttyq portaly derekkózge siltep.
Syrtqy aýmaǵy 3 myń adamǵa arnalǵan ǵıbadat úıiniń qurylysy zaman talabyna saı ozyq úlgide júrgizilýde. Meshitte musylmandyq joralardy jasaıtyn oryndar, kongress-holl, neke saraıy, 180 oryndyq medrese, kitaphana, ashana bar, sporttyq alańdar, 500 oryndyq avtoturaq pen ǵajaıyp sýburqaqtar salynady dep josparlanýda.
Byltyr irgetasy qalanǵan eńseli meshit – kórshi Ózbekstan memleketiniń Túrkistanǵa tartýy. Sáýleti erekshe Islam ortalyǵynyń ishki jáne syrtqy bezendirilýi shyǵystyq naqyshta júrgiziledi.
Biregeı jobaǵa Ózbekstan Respýblıkasynyń Prezıdenti Shavkat Mırzııoev qoldaý kórsetip otyr.
"Adyrna" ulttyq portaly
