Türkıstan oblysynda 15 jasar jasöspırımdı öltırdı dep küdıkke ılıngender haqynda oquşy jaŋa derekter şyǧyp jatyr. Törtkül auylynyŋ 9-synyp oquşysy Orynbai Arujannan sol mektepte oqityn 11-synyp oquşysy men 19 jastaǧy auyldasy 1 million teŋge sūrap, basynǧan. Qajettı qarjyny tauyp bere almaǧan jaǧdaida jalaŋaş fotosyn äleumettık jelıge jariialaimyz dep bopsalaǧan, dep habarlaidy "Adyrna" ūlttyq portaly.
Mūndai qomaqty qarjyny taba almaǧan qarşadai 15 jasar qyzdy bırneşe ret pyşaqtap, denesın suǧa aǧyzyp jıbergenın tuystary aityp, zar eŋırep otyr.
Qazır küdıktıler qamauǧa alynyp, tergeu ısı jürıp jatyr. Alaida marqūm tuystarynyŋ köŋılı küptı. Olar küdıktıler aiyptan sytylyp, jazadan qūtylyp kete me dep qorqady. Öitkenı ūstalǧandardyŋ bırı būrynǧy äkımnıŋ ūly, al ekınşı küdıktı däuletı tasqan auqatty otbasynan şyqqan.
KTK telearnasy Arujannyŋ üiınen soŋǧy märte syrtqa şyqqan sätınıŋ beinekameraǧa tüsıp qalǧanyn habarlady. Arujannyŋ "aqyrǧy beinesın" körşı üidıŋ qorasyna qoiylǧan qūrylǧy jazyp alǧan. Derekterge qarasaq, tüngı on ekıler şamasynda äldekımmen telefon arqyly tıldesken qyz aryq boiyn jaǧalai jüredı. Ertesıne denesı bırer şaqyrym ūzaqtaǧy aryqtyŋ ışınen tabylady.
Äjesı nemeresınıŋ kısı qolynan ölgenıne senımdı. Öitkenı üidıŋ ırgesındegı aryqtyŋ maŋy äbden qan-josa bolǧan. Küdıktıler ızın suytu maqsatynda Arujandy özıne qol salǧandai körsetıp, jaraqattaǧan, keiın aryqtyŋ ışıne tastaǧan deidı.
"Dybysy şyqpasyn dep jaŋaǧy 11-synyptyŋ balasy qolyn artqa ūstap tūrǧan. Qaiyryp, anau pyşaqty ekı ret ūrǧan. Odan keiın qyz qūlaǧan. Keiın anau 11-cynyptaǧy balaǧa: "Qane, sen qolyn kes" degen. Odan keiın ol qolyn kesken. Aryqtyŋ jaǧasyndaǧy qan degenıŋ köl kösır", - dedı marqūmnyŋ äjesı Qūrmankül Salqynbekova.Qara jamylǧan otbasy qyzdyŋ jalaŋaş fotosyn jalpyǧa jariialamas üşın küdıktılerdıŋ Arujannan 1 million teŋge talap etkenın aitady.
"Soŋǧy märte, altysynda qyzym menen aqşa sūrady. Sosyn "Äkeŋnen sūraşy" degen edım, "Mama, sızder ondai aqşany tauyp bere almaisyzdar" dedı. Menıŋ qyzymnyŋ külıp oinaityn ädetı bar edı... Sodan soŋ, "Neǧylasyŋ ol aqşany?" dep qaita-qaita sūrap edım, "Mama, men şetelge ketem" dedı. Mıne, şetelge kettı ǧoi. Osy ekı bala bopsalaǧan. “Aqşa bermeseŋ, masqaraŋdy şyǧaram, senıŋ suretıŋdı şyǧaram” degen", - dedı marqūmnyŋ anasy Dinara Zılǧaraeva.
Mektep mūǧalımderı būl qylmysqa qatysy bar dep aiyp arqalaǧan küdıktınıŋ mınezı juas bolǧanyn, özın mektep ömırınde tek jaqsy jaǧynan körsetkenın aityp otyr.
"Adyrna" ūlttyq portaly
Ūqsas jaŋalyqtar
