Mundaı qomaqty qarjyny taba almaǵan qarshadaı 15 jasar qyzdy birneshe ret pyshaqtap, denesin sýǵa aǵyzyp jibergenin týystary aıtyp, zar eńirep otyr.
Qazir kúdiktiler qamaýǵa alynyp, tergeý isi júrip jatyr. Alaıda marqum týystarynyń kóńili kúpti. Olar kúdiktiler aıyptan sytylyp, jazadan qutylyp kete me dep qorqady. Óıtkeni ustalǵandardyń biri burynǵy ákimniń uly, al ekinshi kúdikti dáýleti tasqan aýqatty otbasynan shyqqan.
KTK telearnasy Arýjannyń úıinen sońǵy márte syrtqa shyqqan sátiniń beınekameraǵa túsip qalǵanyn habarlady. Arýjannyń "aqyrǵy beınesin" kórshi úıdiń qorasyna qoıylǵan qurylǵy jazyp alǵan. Derekterge qarasaq, túngi on ekiler shamasynda áldekimmen telefon arqyly tildesken qyz aryq boıyn jaǵalaı júredi. Ertesine denesi birer shaqyrym uzaqtaǵy aryqtyń ishinen tabylady.
Ájesi nemeresiniń kisi qolynan ólgenine senimdi. Óıtkeni úıdiń irgesindegi aryqtyń mańy ábden qan-josa bolǵan. Kúdiktiler izin sýytý maqsatynda Arýjandy ózine qol salǵandaı kórsetip, jaraqattaǵan, keıin aryqtyń ishine tastaǵan deıdi.
"Dybysy shyqpasyn dep jańaǵy 11-synyptyń balasy qolyn artqa ustap turǵan. Qaıyryp, anaý pyshaqty eki ret urǵan. Odan keıin qyz qulaǵan. Keıin anaý 11-cynyptaǵy balaǵa: "Qane, sen qolyn kes" degen. Odan keıin ol qolyn kesken. Aryqtyń jaǵasyndaǵy qan degeniń kól kósir", - dedi marqumnyń ájesi Qurmankúl Salqynbekova.
Qara jamylǵan otbasy qyzdyń jalańash fotosyn jalpyǵa jarııalamas úshin kúdiktilerdiń Arýjannan 1 mıllıon teńge talap etkenin aıtady.
"Sońǵy márte, altysynda qyzym menen aqsha surady. Sosyn "Ákeńnen surashy" degen edim, "Mama, sizder ondaı aqshany taýyp bere almaısyzdar" dedi. Meniń qyzymnyń kúlip oınaıtyn ádeti bar edi... Sodan soń, "Neǵylasyń ol aqshany?" dep qaıta-qaıta surap edim, "Mama, men shetelge ketem" dedi. Mine, shetelge ketti ǵoı. Osy eki bala bopsalaǵan. “Aqsha bermeseń, masqarańdy shyǵaram, seniń sýretińdi shyǵaram” degen", - dedi marqumnyń anasy Dınara Zilǵaraeva.
"Adyrna" ulttyq portaly
