كيەلى تۇركىستان قالاسىندا اۋماعى 5 مىڭ شارشى مەتر بولاتىن، 5 مىڭنان استام جاماعات ءبىر مەزگىلدە قۇلشىلىق ەتە الاتىن مەشىت سالىنىپ جاتىر،دەپ حابارلايدى "ادىرنا" ۇلتتىق پورتالى دەرەككوزگە سىلتەپ.
سىرتقى اۋماعى 3 مىڭ ادامعا ارنالعان عيبادات ءۇيىنىڭ قۇرىلىسى زامان تالابىنا ساي وزىق ۇلگىدە جۇرگىزىلۋدە. مەشىتتە مۇسىلماندىق جورالاردى جاسايتىن ورىندار، كونگرەسس-حولل، نەكە سارايى، 180 ورىندىق مەدرەسە، كىتاپحانا، اسحانا بار، سپورتتىق الاڭدار، 500 ورىندىق اۆتوتۇراق پەن عاجايىپ سۋبۇرقاقتار سالىنادى دەپ جوسپارلانۋدا.
بىلتىر ىرگەتاسى قالانعان ەڭسەلى مەشىت – كورشى وزبەكستان مەملەكەتىنىڭ تۇركىستانعا تارتۋى. ساۋلەتى ەرەكشە يسلام ورتالىعىنىڭ ىشكى جانە سىرتقى بەزەندىرىلۋى شىعىستىق ناقىشتا جۇرگىزىلەدى.
بىرەگەي جوباعا وزبەكستان رەسپۋبليكاسىنىڭ پرەزيدەنتى شاۆكات ميرزيوەۆ قولداۋ كورسەتىپ وتىر.
"ادىرنا" ۇلتتىق پورتالى
