2022 jyldyń birinshi toqsanynda Reseıden Qazaqstanǵa 204 947 adam ketken. Mundaı derekter Reseı Federaııasynyń barlyq vedomstvoaralyq statıstıkasy jınaqtalatyn jalpyreseılik EMISS platformasynda jarııalandy, dephabarlaıdy “Adyrna” ulttyq portaly.
Jyldyń alǵashqy úsh aıynda Reseıden barlyǵy 3 mıllıon 880 myń 679 azamat ketken.
2022 jyldyń birinshi toqsanynda Reseıden ketken azamattardyń 38 281 adam Grýzııaǵa, 134 129 adam Armenııaǵa, 53 084 adam Ózbekstanǵa, 40 054 adam Tájikstanǵa ketken.
Reseıden Ýkraınaǵa 328 myń adam, Qazaqstanǵa 204 947 azamat ketken. 2021 jyldyń osy kezeńinde bul kórsetkish shamamen 122 330, 2021 jyldyń sońǵy toqsanynda 239 413 bolǵan.
Naýryz aıynyń sońynda Eńbek jáne halyqty áleýmettik qorǵaý mınıstri Serik Shápkenov Reseıden Qazaqstanǵa eńbek mıgranttarynyń kóp aǵyny joq dep málimdegen.
"Búginde biz Reseıden eńbek mıgranttarynyń kóp aǵynyn kórip turǵan joqpyz. Qazir Qazaqstanda 100 myńǵa jýyq reseılik azamat bar. Onyń 6 myńy 2022 jyldyń basynan beri jumysqa kelgen", - dedi ol.
“Adyrna” ulttyq portaly
