Qazaqstan jyl saıyn jarııalanatyn World Happiness Report reıtınginde 43-orynǵa ıe bolyp, TMD elderi arasynda eń joǵary kórsetkishke qol jetkizdi, dep habarlaıdy “Adyrna” ulttyq portaly 24.kz-ke siltep.
Bul tizimde Qazaqstan Ózbekstannan 10, Reseıden 13, Qyrǵyzstannan 32 orynǵa joǵary tur. Byltyr elimiz 49-orynda bolǵan.
World Happiness Report reıtıngi – Gallup, Birikken Ulttar Uıymy jáne Oksford ýnıversıteti júrgizetin zertteý. Baqyt ındeksi jan basyna shaqqandaǵy JIÓ, áleýmettik qoldaý, ómir súrý uzaqtyǵy, erkindik, jomarttyq, memlekettik ınstıtýttarǵa senim jáne azamattardyń ómirge qanaǵattanýshylyǵy negizinde esepteledi.
Sońǵy jyldary Qazaqstanda ómir súrý uzaqtyǵy 73-ten 75 jasqa deıin uzardy, jalpy ólim-jitim 7,8%-ǵa, ana ólimi 26,3%-ǵa, náreste ólimi 15,8%-ǵa tómendedi.
Premer-mınıstr Oljas Bektenov Memleket basshysv Qasym-Jomart Toqaevtyń prezıdenttik qyzmetiniń alty jyldyǵyna arnalǵan maqalasynda jan basyna shaqqandaǵy ishki jalpy ónimniń eki esege jýyq óskenin atap ótken bolatyn.
