Qazaqstan jyl saiyn jariialanatyn World Happiness Report reitingınde 43-orynǧa ie bolyp, TMD elderı arasynda eŋ joǧary körsetkışke qol jetkızdı, dep habarlaidy “Adyrna” ūlttyq portaly 24.kz-ke sıltep.
Būl tızımde Qazaqstan Özbekstannan 10, Reseiden 13, Qyrǧyzstannan 32 orynǧa joǧary tūr. Byltyr elımız 49-orynda bolǧan.
World Happiness Report reitingı – Gallup, Bırıkken Ūlttar Ūiymy jäne Oksford universitetı jürgızetın zertteu. Baqyt indeksı jan basyna şaqqandaǧy JIÖ, äleumettık qoldau, ömır süru ūzaqtyǧy, erkındık, jomarttyq, memlekettık instituttarǧa senım jäne azamattardyŋ ömırge qanaǧattanuşylyǧy negızınde esepteledı.
Soŋǧy jyldary Qazaqstanda ömır süru ūzaqtyǧy 73-ten 75 jasqa deiın ūzardy, jalpy ölım-jıtım 7,8%-ǧa, ana ölımı 26,3%-ǧa, näreste ölımı 15,8%-ǧa tömendedı.
Premer-ministr Oljas Bektenov Memleket basşysv Qasym-Jomart Toqaevtyŋ prezidenttık qyzmetınıŋ alty jyldyǧyna arnalǧan maqalasynda jan basyna şaqqandaǧy ışkı jalpy önımnıŋ ekı esege juyq öskenın atap ötken bolatyn.
Ūqsas jaŋalyqtar
