Киелі Түркістан қаласында аумағы 5 мың шаршы метр болатын, 5 мыңнан астам жамағат бір мезгілде құлшылық ете алатын мешіт салынып жатыр,деп хабарлайды "Адырна" ұлттық порталы дереккөзге сілтеп.
Сыртқы аумағы 3 мың адамға арналған ғибадат үйінің құрылысы заман талабына сай озық үлгіде жүргізілуде. Мешітте мұсылмандық жораларды жасайтын орындар, конгресс-холл, неке сарайы, 180 орындық медресе, кітапхана, асхана бар, спорттық алаңдар, 500 орындық автотұрақ пен ғажайып субұрқақтар салынады деп жоспарлануда.
Былтыр іргетасы қаланған еңселі мешіт – көрші Өзбекстан мемлекетінің Түркістанға тартуы. Сәулеті ерекше Ислам орталығының ішкі және сыртқы безендірілуі шығыстық нақышта жүргізіледі.
Бірегей жобаға Өзбекстан Республикасының Президенті Шавкат Мирзиёев қолдау көрсетіп отыр.
"Адырна" ұлттық порталы
Новости по теме
