Ózbekstan bıligi eldiń eshqandaı áskerı qurylymdarǵa qosylmaıtynyn jáne EAEO-da baqylaýshy memleket mártebesinde qalatynyn málimdedi, dep habarlaıdy "Adyrna" ulttyq portaly.
Ferǵana agenttiginiń málimetinshe, Tashkentte ótken Halyqaralyq seriktestik bastamalary aptalyǵynyń ashylýynda Ózbekstannyń Olıı Majlıs Zań shyǵarý palatasynyń birinshi orynbasary Akmal Saıdov málimdedi.
«Konstıtýııanyń birinshi babynda Ózbekstan – egemen memleket ekeni aıtylǵan. Eger qandaı da bir áskerı qorǵanys qurylymdaryna jáne uıymdarǵa qosylý týraly sóz bolsa, biz buǵan jol bermeımiz. Biz eshqashan óz jigitterimizdi shetelge qandaı da bir áskerı mıssııalardy, onyń ishinde bitimgershilik mıssııalaryn oryndaý úshin jibermeımiz. Bizdiń jerimizde eshqandaı sheteldik áskerı bazalar bolmaıdy», – dedi vıe-spıker.
Odan bólek, Saıdov Ózbekstanǵa EAEO-da baqylaýshy memleket mártebesi tıimdi ekenin atap ótti.
«Men Ózbekstannyń EAEO-ǵa kirý múmkindigin zertteý boıynsha parlamenttik komıssııanyń jetekshisimin. Biz osy uıymnyń myńnan astam ártúrli qujatyn muqııat zerttedik jáne qazirgi ýaqytta Ózbekstannyń múddesine baqylaýshy mártebesin saqtaý sáıkes keledi degen qorytyndyǵa keldik.
Mysaly, qazaq áriptesterimizden EAEO-ǵa kirýden olardyń elderi az ǵana paıda kórgenin estidik. Biraq bul aqparatqa kepildik bere almaımyn. Ózbekstannyń jańa Konstıtýııada bekitilgen syrtqy saıasattyń negizgi qaǵıdalary bar, biz solarǵa súıenemiz», – dep túsindirdi Saıdov.
