Pavlodar qalasynda bir kúnde 23 kósheniń ataýyn qazaqshalaý týraly sheshim qabyldady. Bul buryn-sońdy bolmaǵan úlken oqıǵa. Jergilikti halyq muny bórkin aspanǵa atyp, zor qýanyshpen qabyldap otyr. Óıtkeni statıstıkaǵa súıensek Pavlodar qalasyndaǵy 335 kósheniń 62-si ǵana qazaq tilinde. Sondyqtan bul onamastıka tóńiregindegi aıtýly qadam boldy.
Búgin Pavlodar qalalyq máslıhatynyń kezekten tys sessııasy ótip atalǵan 23 kósheniń ataýyn aýystyrýdy depýtattar 100 paıyz qoldady.
Eske sala ketsek, jaqynda osyǵan oraı, ıaǵnı ıdeologııalyq turǵydan eskirgen kóshe ataýlaryn ózgertý boıynsha qoǵamdyq tyńdaý ótken bolatyn. Jergilikti qoǵam belsendileri men zııaly qaýym tarapynan usynylǵan 30 kósheniń 23-i qalalyq máslıhat depýtattarynyń qoldaýyna ıe boldy.
Joǵaryda aıtqanymyzdaı, kóshe ataýlarynyń qazaqylanýyn qoldaǵandar kóp. Solardyń biri QR Eńbek sińirgen qaıratkeri, oblystyq A.P. Chehov atyndaǵy drama tearynyń basshysy Vıktor Avvakýmov.
«Men qoǵamdyq damýdy qoldaımyn. Ýaqyt talabyna saı kósheler men eldi-mekenderdiń ataýyn ózgertý oryndy dep esepteımin. Emoııaǵa salynyp, qarsylyq bildiretinder de bar. Bul zańdy qubylys. Kez kelgen máselege kompromıss tabýǵa bolady. Osy eldegi azamat retinde men bul proesske qarsy emespin. Ózgerý kerek, ári qaraı damý kerek»,- dep atap ótti teatr basshysy.
Budan bólek, QR eńbek sińirgen qaıratkeri, aqyn Arman Qanı jergilikti basshylardy áleýmettik jelidegi feıkterge jaltaqtamaýǵa shaqyrdy.
«Menińshe, feıkterdiń avtorlary Pavlodardan emes. Tipti, ózge óńirlerden nemese basqa memleketten bolýy da múmkin. Biraq, biz olardy eskermeýimiz kerek. Pavlodarda 335 kósheniń 62-si ǵana qazaq tilinde. Bul onomastıka salasynadaǵy túıtkildi máslelerdiń bar ekenin kórsetedi. Olardy sheshý úshin Patshalyq, Keńestik túsiniktegi toptarǵa qarsy jumys jasaý kerek. Men basqa amalyn kórip turǵan joqpyn. Osy jolda Prezıdent Q.Toqaevtyń «Táýelsizdik bárinen qymbat» atty maqalasyn negizge alý kerek degen oıdamyn», - dedi aqyn Arman Qanı.
Sonymen ózgergen kósheler tizimi:
- Mır kóshesi - Oljabaı batyr,
- Ermakov kóshesi - Mustafa Shoqaı,
- Naberejnaıa - Shon bı,
- Ýrıkıı kóshesi - General (Úkimet) Smaǵulov,
- ıolkovskıı kóshesi - Baýyrjan Momyshuly,
- Roza Lıýksembýrg kóshesi - Qazaq radıosy,
- Teplov kóshesi - Bógenbaı batyr,
- 1-ıa Iýjnaıa kóshesi - Birlik,
- 2-ıa Iýjnaıa kóshesi - Káýken Kenjetaev,
- Parkovaıa kóshesi - Muqaǵalı Maqataev,
- Donekaıa kóshesi - Maǵjan Jumabaev,
- Kýbanskaıa kóshesi -Qalmuqan Isabaev,
- Sovhoznaıa kóshesi - Rafıǵa Nurtazına,
- Taganrokskaıa kóshesi - Qazanǵap bı,
- Angarskaıa kóshesi -Naǵymbek Nurmuhammedov,
- Chıtınskaıa kóshesi - Amanjol Shámkenov,
- Dekabrıstov kóshesi - Qamar Qasymov,
- Molodejnaıa kóshesi - Jastar kóshesi,
- Iýnnatov kóshesi -Dıhan Ábilov,
- 1-ıa Sovetov kóshesi, 2-ıa Sovetov kóshesi - General Bákirov,
- Zyrıanovskaıa kóshesi - Qabdykárim Ydyrysov,
- Saıanskaıa kóshesi - Alma Ajıbaeva,
- Lesnaıa kóshesi - Aǵaıyndy Dúısembınovterbolyp qaıta atalatyn boldy.
Erkebulan ASQAROV,
"Adyrna" ulttyq portaly
(Sýretter ǵalamtordan, ashyq derekkózderden alyndy)
