Äleumettık jelılerde Pavlodar qalasy jaŋa jyldyq bezendıruge 791,9 mln teŋge böludı josparlap otyr degen aqparat tarady, dep habarlaidy "Adyrna" ūlttyq portaly QazAqparatqa sıltep.
Jelı qoldanuşylary būl somanyŋ tym joǧary ekenın aityp, qarjyny äleumettık mäselelerge baǧyttau qajet degen pıkır bıldırdı.
Jariialanǧan derekterge säikes, Memlekettık satyp alular portalynda merekege daiyndyq jäne qalany bezendıruge qatysty 3 lot ornalastyrylǧan. Onyŋ eŋ ülkenı — 446,4 mln teŋge, qalǧandary — 236,6 mln jäne 108,9 mln teŋge. Qūjattamada qarajat merekelık konstruksiialardy ornatu, qyzmet körsetu, tasymaldau, sondai-aq arnaiy tehnikany tartu üşın jūmsalady dep körsetılgen.
Alaida Pavlodar qalasy äkımdıgı būl somalardyŋ jaŋa jyldyq bezendıruge qatysy joq ekenın mälımdedı.
Pavlodar äkımınıŋ baspasöz qyzmetı tüsındırgendei, atalǧan lottar jalpy qalalyq senbılıkterdı ūiymdastyruǧa, sanitarlyq tazalyq jūmystaryn jürgızuge, materialdar men jüktemelerdı tasymaldauǧa jäne äleumettık nysandarǧa (mektep, auruhana) tehnika bölu, bau-baqşa aumaqtarynan qoqys şyǧaruǧa arnalǧan arnaiy tehnikany paidalanudy qamtidy.
«Tehnika tek Pavlodarda şaruaşylyq jäne ūiymdastyru jūmystary üşın paidalanylady. Būl qyzmetter jaŋa jyldyq bezendırudı qamtymaidy», — dep habarlady äkımdık ökılderı.
Sondai-aq, äkımdık biylǧy jaŋa jyldy bezendıruge bölınetın naqty qarajat – 23 mln teŋge, iaǧni byltyrǧy 190 mln teŋgeden segız ese az ekenın atap öttı.
