Ekibastuz medıına kolledjiniń 4-kýrs stýdenti Aıdana Temirbolatova dıplomyn qolyna alatyn shaqta oqýdan shyǵaryldy. Onyń Ekibastuz qalalyq ortalyq aýrýhanasynda jatqan anasy Svetlana ári aýrýmen arpalysyp, ári qyzynyń bolashaǵyna alańdap sharq urýda. Aıdananyń oqýdan shettetilý sebebin bilmek bolyp, muǵalimderine habarlastyq.
Medkolledj muǵalimderiniń aıtýynsha, Aıdananyń densaýlyǵy sońǵy ýaqytta máz bolmaǵan. Kovıd dertine qarsy vakınanyń 1-kezeńi oǵan teris áser etip, aýrýhanada dermatıtten emdelýge májbúr bolǵan. Odan keıin kóp uzamaı densaýlyǵynan taǵy aqaý shyǵyp, bul joly onyń ókpesi syrqattanǵany anyqtalyp, taǵy da aýrýhanaǵa jatyp shyqqan. Osylaısha, tórt jyl boıy aýyl men qalanyń ortasynda sabylyp júrgen stýdent sáýir aıynda №1 emhanaǵa praktıkaǵa barǵan. Aıdana praktıka qujattamalaryn qorǵaýǵa kesilgen merzimde kele almapty. Óıtkeni anasy – qazaq tili men ádebıeti páni muǵalimi Svetlana Syzdyqovanyń densaýlyǵy nasharlap, aýrýhanaǵa túsken. Tolyq emes otbasynda 11 jasar Aqbotaǵa qaraılaıtyn adam bolmaǵandyqtan, Aıdana aýylda sińlisine qamqor bolyp, anasyna kerek-jaraǵyn aparyp turǵan. Otbasynyń aýyr hali kolledj basshylyǵy men muǵalimderiniń nazarynan tys qalǵan.
Árıne, biz kolledj muǵalimderin birjaqty kinálaı almaımyz. Sebebi Aıdana praktıka qujattaryn ýaqytyly tapsyrmaǵanyna ózi kináli. Biraq qujattamalardyń ýaqytyly toltyrylyp, retimen júrgizilýin sonaý sáýir aıynan beri praktıka jetekshisi nelikten qadaǵalamaǵany belgisiz. Biz Aıdanadan sabaq úlgerimi jaıly suradyq. «Kileń beske oqydym dep aıta almaımyn. Alǵan baǵalarym – «úsh» pen «tórt» aralas. Biraq hırýrgııa páninen neshe alǵanymdy bilmeımin, óıtkeni bizde bul pán durys júrgizilgen joq, tipti tolyqqandy júrgizilmedi deýge bolady. «Zachetkamyzdy» eshqashan qolymyzǵa alyp kórgen joqpyz, ol oqý bóliminde jınalyp turdy. Al elektrondy kúndelik degendi estigen de emespiz, medıınalyq kolledj ondaı uǵymnan alys», - dedi.
Aıdananyń anasy Svetlana Klara Qabyshqyzy atty zeınetker muǵalimge de ókpeli eken. Biz atalǵan muǵalimge ata-ananyń nege renishti ekenin zerttep jatpadyq, tek bar bolǵany «Jumyssyz jastar úıirilip otyrǵanda zeınetker muǵalimderdi ustaý qashanǵy jalǵaspaq?» - dep suraǵymyz keledi.
23 maýsymda bitirýshiler úshin memlekettik emtıhandar bastalady. Ókinishke qaraı, Aıdana emtıhanǵa jiberilgen joq. Basshylyqtyń ony oqýdan shyǵarý týraly buıryǵy shyǵyp qoıypty. Anasynyń aýyr halde jatqanyna, sińlisiniń qaraýsyz otyrǵanyna qaramastan...
Tórt jyl Arqanyń qysynda aıazǵa tońyp aýyl men eki ortany tozdyrǵan eńbegi dalaǵa ketken qazaq qyzy memlekettik emtıhannan qulap jatsa, ózi kináli deısiń ǵoı. Al ol bolsa shyn máninde sáýir men maýsym arasynda – baqandaı úsh aı boıy tájirıbege qatysqanyn emhanadan berilgen minezdemesi aıǵaqtap tur...
Eger stýdent praktıka qujattamasyn ýaqytyly qorǵaı almasa, kolledjdegi praktıka jetekshisi qaıda qaraǵan? Hırýrgııa páni nege tolyq júrgizilmedi? Aýyl balasynyń taǵdyryna nege osynsha nemquraıdy boldyq?!
Osydan birneshe jyl buryn Ekibastuz medıına kolledjine jabylý qaýpi tónip, máselege jergilikti qazaq jýrnalısteri aralasqan bolatyn. «Jel bolmasa, shóptiń basy qımyldamaıdy» deýshi edi qazaq. Atalǵan jaıttyń bárinen kolledj basshylyǵy qorytyndy shyǵarsa kerek-ti...
Aıtpaqshy, Ekibastuzda medıına mamandary tapshy. Bul tapshylyq, ásirese, kovıd indeti asqynyp turǵan shaqta qatty baıqaldy. Alaıda bul jaıt ta kolledj basshylyǵynyń qaperinen tys qalǵan...
Janargúl Qadyrova,
Pavlodar oblysy
