Pavlodar oblysynda 1200 basqa arnalǵan sút-taýarly ferma iske qosyldy. Joba segiz aı ishinde júzege asyryldy. Joǵary sapaly sút óndiretin jańa keshenniń ashylýyna oblys ákimi Ábilqaıyr Sqaqov qatysty, dep jazady "Adyrna" ulttyq portaly.
"AgroTrade PV" JShS-niń sút-taýarly fermasy Pavlodar aýdanyndaǵy Olgıno aýylynda ornalasqan. Onyń qurylysy 2022 jyldyń naýryzynda bastaldy. Fermanyń dırektory Qýanysh Temirǵalınniń aıtýynsha, munda kúnine 30 myń lıtrge deıin sút óndirý josparlanyp otyr, al, kásiporyn tolyq qýattylyq deńgeıine shyqqan kezde jalpy óndiris kólemi jylyna 10 myń tonna sútti quraıdy.
– Qazir bizde golshtın-frız tuqymdy 476 bas iri qara mal bar. Taǵy da qosymsha 1200 bas sıyr satyp alý josparlanýda, - dedi ferma dırektory. - Joba memlekettiń qoldaýymen júzege asyryldy. 40 sıyrǵa shaqtalǵan saýyn blogy ornatyldy. Óndiristiń avtomattandyrylǵan proessi jáne sútti tuqymdy sıyrlardyń bolýy joǵary kórsetkishterge qol jetkizýge múmkindik beredi.
Sút óndirý kesheninde 100-ge jýyq jańa jumys orny quryldy, jumyskerlerdiń negizgi úlesin jergilikti turǵyndar quraıdy. Fermada sútten bólek kartop, dándi daqyldar men jemdik daqyldar ósiriledi. 1700 ga sýarmaly jer alqaptary mal basyn tolyq qamtamasyz etedi dep kútilýde.
Jalpy, oblys ákimi atap ótkendeı, bizdiń óńirdiń agroónerkásiptik kesheni barlyq baǵyttar boıynsha qarqyndy damyp keledi. Máselen, sońǵy úsh jylda sýarmaly jerlerdiń aýdany 40 myń gektarǵa ulǵaıyp,142 myń gektardy qurady.
- 2020 jyldan bastap aýyl sharýashylyǵy óniminiń jalpy kólemi 1,8 esege ósti, - dedi Ábilqaıyr Sqaqov. - Bul óte jaqsy jetistikter. Árıne, bunyń bári sizder sııaqty jerlesterimizdiń adal eńbeginiń jemisi. Sizder alty aı ishinde sapaly kásiporyndy qurýǵa jáne óndiristi nólden bastaýǵa bolatyndyǵyn kórsetseńizder.
Sýretterdi túsirgen Valerıı Býgaev
Búgingi tańda oblysta 37 sút-taýarly fermasy jumys isteıdi. Óńirde sút óndirisin 43 myń tonnaǵa ulǵaıtýǵa múmkindik beretin segiz jańa keshen salý josparlanyp otyr.
"Adyrna" ulttyq portaly
