Konstitusiiadaǧy orys tılınıŋ märtebesın özgertudı Mäjılıstıŋ 36 deputat qoldady. Būl turaly Mäjılıs deputaty Qazbek İsa aitty, dep habarlaidy “Adyrna” ūlttyq portaly.
“Sızdı tüsınemın, balalaryŋyzdy orys mektebıne berdıŋız. Keibıreuler tek bırınşı synyptan bastap bergısı keledı. (...) «Nege Toqaevqa aitpaisyŋ?» dedı. Bız Konstitusiiadan qazır köpşılık talqyǧa salyp jürgen (orys tılı ) memlekettık tılmen teŋ qoldanylady degen tūjyrymdy alyp tastaudy ūsyndyq. Olar «Memlekettık tıl turaly» zaŋ jobasyn ūsyndy. Bügınde 36 deputat, iaǧni 30 paiyzdan astamy qol qoidy. Bız «Memlekettık tıl turaly» zaŋdy belsendı türde qoldaimyz, jaqyn arada tek memlekettık tıl bolady, orys tılı bolmaidy ”, - dedı İsa №1 mektep-gimnaziiasynda ata-analarmen kezdesude.
Deputattyŋ aituynşa, ana tılın bılu jarqyn bolaşaqtyŋ kepılı.
«Ana tılınde oilaudy bılmeitın, ana tılınde tüs körmeitın jandardyŋ ruhani kemtar sanalatynyn ǧalymdardyŋ özı däleldegen. Sızder, balalaryŋyzdy bırınşı synypqa beretınder, olardy ruhani mügedek etesızder. Japoniia nege sonşa damyǧan? Öitkenı olar öz tılın bastauyş synyptan üirenedı», - dedı deputat.
Ol qazaq mektepterındegı bılım deŋgeiınıŋ tömendıgı turaly aitylǧandardy mif dep atap, halyqaralyq olimpiadaǧa qatysuşylardyŋ 89-90 paiyzy qazaq mektebınıŋ oquşylary ekenın basa aitty.
«Olar orysşa söileudı qoiady dep oilamaŋyz – qalada oqityndardyŋ bärı orys tılın oŋai meŋgeredı. Menıŋ qazaq mektebınde balalarym, nemerelerım bar, bıraq olar orysşa söileidı, öitkenı ainalasyndaǧylardyŋ bärı orysşa söileidı. Tıptı şet eldegı balalar da orysşa söileidı, öitkenı olar orys tılınde multfilmder köredı», - dep qosty İsa.
Kezdesu elordadaǧy №93 mektep-gimnaziiasynda orys synyptarynyŋ joqtyǧyna ata-analardyŋ narazylyǧyn bıldıruımen bailanysty boldy. Alaida, ata-analarǧa zaŋ boiynşa talap etıletın tılde oqytatyn mektep balanyŋ tūrǧylyqty jerınen 2 şaqyrym radiusta boluy kerektıgı, al N72 jäne N83 mektepter būl körsetkışterge säikes keletını tüsındırıldı.
“Adyrna” ūlttyq portaly
