Soŋǧy jyldary qazaqstandyq tülekter jappai şetel asuda. Körşıles Reseidıŋ özınde ǧana 70 myŋnan astam tülek bılım alyp jatyr. Sarapşylardyŋ aituynşa, otandyq joǧary oqu oryndary reseilık universitetterden kem emes. Osy oraida, bılım migrasiiasyn qalai toqtatuǧa bolatyny turaly Akademiialyq adaldyq ligasy Jalpy Jinalysynyŋ müşesı Talǧat Närıkbaev mälımdedı.
Studentterdıŋ şetelge ketuınıŋ negızgı sebebı — şet elderde bılım sapasy joǧary degen pıkır ärı otandyq JOO-larǧa degen senımsızdık. Bılım men tūratyn oryn tegın bolǧandyqtan qazaqstandyqtar Reseidı taŋdaidy.
Bıraq ol jaqta bärı bız oilaǧandai keremet emes.
«Reseidıŋ bılımı sapaly degen stereotipke menıŋ kümänım bar. Negızınde joǧary deŋgeilı universitetterı Mäskeu men Sankt-Peterburgte şoǧyrlanǧan. Al basqa oqu oryndarynyŋ köpşılıgı sapaly bılım bermeidı, keibırı tıpten naşar»,- deidı M.S. Närıkbaev atyndaǧy KAZGIýU universitetınıŋ Basqarma basşysy.
Onyŋ aituynşa, elımızden ketuge tyiym salu mümkın emes, bıraq memleket azamttardyŋ qaluy üşın bar jaǧdaidy jasauy qajet.
«Ärine, ärbır jas bai, tabysty, käsıbi maman bolǧysy keledı. Sol sebeptı jastardy elımızden ketkısı kelmes üşın memleket olarǧa barlyq jaǧdaidy jasauy tiıs, eŋbek naryǧynda jalaqy mölşerı joǧary boluy qajet. Sondai-aq mamandardy jūmysqa alu prosesı aşyq jürgızıluı kerek. Jastar jūmysqa tanysy, tuysy arqyly emes, käsıbi bılıktılıgınıŋ arqasynda adal jolmen ornalasuy tiıs», - dep qorytyndylady Talǧat Närıkbaev.
Koronavirustyq pandemiiaǧa bailanysty elder arasyndaǧy qozǧalys şekteulı bolǧanyna qaramastan, Qazaqstanda oqyǧysy keletın şeteldıkterdıŋ sany artyp keledı. Mäselen, 2020 jyly elımızde bılım alyp jatqan şeteldık studentter sany 34 452 adamdy qūrady.
Anyqtama. Akademiialyq adaldyq Ligasy - būl 11 joǧary jäne joǧary oqu ornynan keiıngı bılım beru ūiymdar bırlestıgı. Bılım beru sapasyn arttyru jäne akademiialyq adaldyq prinsipterın qoldau Liganyŋ missiiasy bolyp sanalady.
Akademiialyq adaldyq ligasynyŋ baspasöz qyzmetı
Ūqsas jaŋalyqtar
